يسپانياداعى تارتىپسىزدىكتەرگە نە تۇرتكى بولعانى انىقتالدى

استانا. KAZINFORM - يسپانيانىڭ شىعىسىنداعى توررە-پاچەكو قالاسىندا 68 جاستاعى ازاماتقا جاسالعان شابۋىل تارتىپسىزدىكتەردىڭ ورىن الۋىنا تۇرتكى بولدى، دەپ حابارلايدى Kazinform مەنشىكتى ءتىلشىسى.

وقيعا سارسەنبى كۇنى زەينەتكەر زيراتتاردىڭ جانىنان ءوتىپ بارا جاتقاندا بولعان. ول شاعىمىندا وزىنە شابۋىلداعان ادامداردىڭ سولتۇستىك افريكالىق بولۋى مۇمكىن ەكەندىگىن ايتقان. ءوز كەزەگىندە بۇل جاعداي جەرگىلىكتى تۇرعىندار اراسىندا كسەنوفوبيالىق كوڭىل-كۇي تۋدىرىپ، توررە-پاچەكونى ميگرانتتاردان قورعاۋ كەرەك دەگەن تۇسىنىك قالىپتاستىردى.

كەيىنىرەك تۇرعىنداردىڭ جيىنى ءوتىپ، جەرگىلىكتى ازاماتتار مۋرسيا قالاسىندا ماگريب وڭىرىنەن كەلگەندەرگە قىرىن قاراي باستاعان. 40 مىڭ تۇرعىنى بار بۇل قالا تۇرعىندارىنىڭ 30 پايىزى سولتۇستىك افريكادان كەلگەندەر. دەمالىس كۇندەرى ماروككولىقتار مەن راديكالدى وڭشىل توپتارمەن ارالاسقان جەرگىلىكتى تۇرعىندار ءوزارا كەرىسىپ قالعان.

تاراپتاردىڭ اراسىندا قاۋىپسىز ارا قاشىقتىقتى ساقتاۋ ءۇشىن ىسكە پوليتسيا مەن ازاماتتىق گۆارديا ارالاسقان. وسىلايشا، توررە-پاچەكو سولتۇستىكفاريكالىق جاستار تاراپىنان جاسالاتىن قىلمىستارمەن كۇرەسۋ ءۇشىن اۋداندىق پاترۋلدەر قۇرۋ تۋرالى دەباتتىڭ ورتالىعىنا اينالدى.

مۋرسيانىڭ اۆتونومدى قوعامداستىعىنىڭ پرەزيدەنتى فەرناندو ميراس جەكسەنبىدە سوڭعى كۇندەرى توررە- پاچەكودا بولعان جايسىز وقيعالار تۋرالى حاباردان سوڭ تىنىشتىق ساقتاۋ قاجەتتىگىن ايتتى.

قاقتىعىس سالدارىنان جەكسەنبى كۇنى تاڭ اتا بەس ادام ءتۇرلى دەنە جاراقاتتارىن الدى، 1 ادام تۇتقىندالدى. كوشەدە ءبىرقاتار كولىك ءبۇلىنىپ، جەردە قان ىزدەرى قالعان.

لوپەس ميرا باسپا ءسوز ءماسليحاتىندا قاۋىپسىزدىك كۇشتەرىنىڭ ەڭبەگىن اتاپ ءوتىپ، كىنالى ادامدار جاۋاپقا تارتىلاتىنىن جەتكىزدى.

قالادا ازاماتتىق گۆارديانىڭ 75 قىزمەتكەرى ءجۇر. يسپانيانىڭ ىشكى ىستەر مينيسترلىگىندەگى دەرەككوز ەكى ارنايى بولىمشەنىڭ قىزمەتكەرلەرى جۇرگەنىن ايتتى.