قورعانىس مينيسترلىگى «جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ەرەكشە مارتەبەسى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 -جىلعى 14-اقپانداعى № 66-قاۋلىسىنا وزگەرىس ەنگىزۋ تۋرالى» ق ر ۇكىمەتى قاۋلىسىنىڭ جوباسىن دايىندادى. بۇل تۋرالى Kazinform قورعانىس مينيسترلىگىنە سىلتەمە جاساپ حابارلايدى.
نورماتيۆتىك قۇقىقتىق اكت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالالارعا قازاقستان رەسپۋبليكاسىنىڭ ۇلتتىق قورىنان قاراجات ەسەپتەۋ، ولاردى تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ 1-بابىنىڭ 16-تارماعىنا سايكەس ازىرلەندى.
قاۋلى جوباسىنىڭ جاڭا رەداكسياسىندا «قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى» اتاۋى «قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى» بولىپ وزگەرتىلدى.
ۇكىمەت قاۋلىسى جوباسىنىڭ تولىق ماتىنىمەن اعىمداعى جىلدىڭ 27-جەلتوقسانىنا دەيىن مىنا سىلتەمە بويىنشا «ەلەكتروندىق ۇكىمەت» پورتالىنىڭ «اشىق ن ق ا» بولىمىندە تانىسۋعا بولادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан