استانا. KAZINFORM - الىپ بالعاباستى اكۋلالار جاعاعا تىم جاقىن ءجۇزىپ، دەمالۋشىلاردىڭ زارە-قۇتىن قاشىردى. مۇنى دەرەۋ نازارعا العان يسپان بيلىگى ەلدەگى ءۇش نەگىزگى جاعاجايدى جابۋ تۋرالى شەشىم قابىلدادى.
Theolivepress.es اقپاراتتىق پورتالىنىڭ مالىمەتىنشە، ءۇش مەترلىك جىرتقىشتار وزدەرىن اگرەسسيۆتى ۇستاپ، جاعاجايداعى ادامدارعا شابۋىل جاساماق بولعان. بالعاباستى اكۋلالاردىڭ مۇنداي ارەكەتىنە نە سەبەپ بولعانى ازىرگە بەلگىسىز. ادەتتە جىرتقىشتار جاعاعا جاقىنداۋ بىلاي تۇرسىن، ادامدارعا شابۋىلدامايدى ەكەن.
بۇگىندە جاعالاۋلاردا اكۋلالاردى باقىلاپ، قاۋىپ تۋرالى ەسكەرتەتىن ارنايى قۇرىلعىلار ورناتىلعان. باقىلاۋ درون ارقىلى دا جۇرگىزىلەدى.
ەستەرىڭىزگە سالساق، بۇعان دەيىن ەگيپەتتەگى حۋرگادا جاعالاۋىندا اكۋلا پايدا بولعانىن جازعان ەدىك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.