يسپانيا پروكۋراتۋراسى ءانشى شاكيراعا قاتىستى ەكىنشى تەرگەۋدى توقتاتۋدى ۇسىندى

استانا. KAZINFORM - سارسەنبى كۇنى يسپانيا مەملەكەتتىك پروكۋرورلارى تەرگەۋ سۋدياسىنا پوپ- جۇلدىز شاكيرانىڭ تاعى ءبىر سالىق الاياقتىق ىسىنە قاتىستى تەرگەۋدى كەيىنگە قالدىرۋدى ۇسىندى.

كولۋمبيالىق ءانشى وففشورلىق كومپانيا ارقىلى 2018 -جىلعا 6,7 ميلليون ەۋرونى (7,2 ميلليون دوللار) قۇرايتىن سالىق تولەۋدەن جالتاردى دەگەن ايىپپەن تەرگەلۋدە.

ءانشى ءوز كىناسىن مويىندامايدى. العاشىندا ايىپ تاققان مەملەكەتتىك ايىپتاۋشىلار قازىر ىقتيمال قارجىلىق قىلمىسقا قاتىستى «جەتكىلىكسىز دالەلدەر» بار دەپ وتىر.

تەرگەۋ سۋدياسى ەندى تەرگەۋدى جالعاستىرۋ تۋرالى شەشىم قابىلداۋى كەرەك جانە ءىستى سوتقا جىبەرۋدى نەمەسە توقتاتۋدى ۇسىنۋى ءتيىس.

تاعى ءبىر جاعدايدا شاكيرا وتكەن جىلعى قاراشادا پروكۋرورلارمەن كەلىسىمگە كەلىپ، 2012-2014 -جىلدار ارالىعىندا يسپانيا ۇكىمەتىنە 14,5 ميلليون ەۋرو (شامامەن 15,6 ميلليون دوللار) سالىقتى تولەمەگەنىن مويىندادى.

شاكيرا بۇرىنعى فۋتبولشى جەرار پيكەمەن اجىراسقاننان كەيىن يسپانيادان كوشىپ، قازىرگى كەزدە ماياميدە تۇرادى.