يسپانيا مەن ماۆريتانيا زاڭسىز كوشى-قونمەن كۇرەسۋ تۋرالى كەلىسىمگە قول قويدى

استانا. KAZINFORM - يسپانيا ماۆريتانيامەن كانار ارالدارىنا زاڭسىز كوشى- قونمەن كۇرەسۋ بويىنشا ىنتىماقتاستىق تۋرالى كەلىسىمگە قول قويدى، دەپ حابارلايدى Euronews.

يسپانيا پرەمەر-ءمينيسترى پەدرو سانچەستىڭ مالىمدەۋىنشە، ەلگە ميگرانتتار قاجەت. سوندىقتان ونىمەن كۇرەسۋدى ماقسات ەتپەيدى، تەك بۇل پروتسەستى باقىلاۋدىڭ جولدارىن ىزدەۋدى قولعا العالى وتىر.

«كوشى- قون - پروبلەما ەمەس، ول بەلگىلى ءبىر ماسەلەلەردى تۋدىراتىن قاجەتتىلىك. ءبىز گۋمانيستىك، قاۋىپسىز جانە ءتارتىپتى تۇردە باقىلاۋعا مۇمكىندىك بەرەتىن جولداردى ىزدەۋىمىز كەرەك»، - دەدى يسپانيا پرەمەر- ءمينيسترى.

بىرنەشە كۇن بۇرىن سانچەس قاتتى قىسىمعا ۇشىراعان كانار ارالدارىنا باردى: قاڭتاردان تامىز ايىنىڭ ورتاسىنا دەيىن ول جەرگە 22 مىڭنان استام ادام كەلدى. ولاردىڭ تورتتەن ءبىر بولىگى - كامەلەت جاسقا تولماعاندار. مادريد ميگرانتتاردى قونىستاندىرۋ ءۇشىن كانار ارالدارىنا 50 ميلليون ەۋرو ءبولدى.

كانار ارالدارى - باتىس افريكادان كەلگەن ميگرانتتار ءۇشىن نەگىزگى ترانزيتتىك نۇكتەلەردىڭ ءبىرى. سول ءۇشىن يسپانيا ۇكىمەتىنىڭ باسشىسى ءۇش كۇندىك ساپارمەن وسى ايماقتىڭ بىرنەشە شتاتىن ارالادى.