پيرتس-مۋسار ساپارىنىڭ باستى ماقساتى - ەكونوميكالىق بايلانىستى نىعايتۋ
استانا. KAZINFORM - سلوۆەنيا مەن قازاقستان ورنىقتى دامۋ مەن سەرىكتەستىك قاعيداتتارىن قولدايدى. بۇل تۋرالى اقوردادا مەملەكەت باسشىسى قاسىم-جومارت توقايەۆپەن كەلىسسوزدەردەن كەيىنگى ب ا ق وكىلدەرىنە ارنالعان بىرلەسكەن مالىمدەمە بارىسىندا سلوۆەنيا پرەزيدەنتى ناتاشا پيرتس-مۋسار اتتى.
- بۇگىنگى كەزدەسۋلەر، جالپى بۇل ساپار سلوۆەنيا مەن قازاقستان اراسىنداعى قارىم-قاتىناستىڭ جاڭا پاراعىن اشادى دەپ ويلايمىن. ەكى ەل دە ءوزارا تۇسىنىستىك پەن قۇرمەتكە نەگىزدەلگەن حالىقارالىق قۇقىق، ورنىقتى دامۋ مەن سەرىكتەستىك قاعيداتتارىن قولدايدى. مەن بۇعان ريزامىن. كەلەشەكتە دە وسى باعىتتا جۇمىس ىستەي بەرەتىنىمىزگە سەنىمدىمىن، - دەدى سلوۆەنيا پرەزيدەنتى.
سونىمەن قاتار ناتاشا پيرتس-مۋسار سلوۆەنيانىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى جۇمىسىنا قولداۋ ءبىلدىرىپ كەلە جاتقان قازاقستان تاراپىنا ريزاشىلىعىن ءبىلدىردى.
- ەۋروپالىق وداق قازاقستاننىڭ ساۋدا جانە ەكونوميكالىق سەرىكتەسى. شىندىعىندا قازاقستاننىڭ ەۋروپالىق وداقپەن قارىم- قاتىناسى قارقىندى دامىپ كەلە جاتىر. ە و ءۇشىن دە، سلوۆەنيا ءۇشىن دە قازاقستان ورتالىق ازياداعى ماڭىزدى ساۋدا-ساتتىق سەرىكتەسى. بيىل ەلدەرىمىز اراسىناعى ساۋدا كولەمى 160 ميلليون دوللاردان اسادى دەپ كۇتەمىز. دەگەنمەن، بۇل كولەمدى ودان ارى ارتتىرا تۇسۋگە الەۋمەتىمىز جەتكىلىكتى. ساپارىمنىڭ باستى ماقساتى - ەلدەرىمىز اراسىنداعى ەكونوميكالىق بايلانىستى نىعايتۋ، - دەدى ول.
بۇعان دەيىن مەملەكەت باسشىسى قازاقستان-سلوۆەنيا بيزنەس كەڭەسىن قۇرۋدى ۇسىنعان ەدى.