وتكەن اپتادا ا ق ش- تا وتكەن ارالىق سايلاۋدا دەموكراتتاردىڭ جەڭىسكە جەتۋى ميگرانتتار اعىنىمەن تۇسپا-تۇس كەلدى. ولار سولشىل كوزقاراستاعى جاڭا كونگرەسس ەلگە زاڭسىز كىرۋگە مۇمكىندىك بەرەدى دەپ ۇمىتتەنەدى.
سونداي-اق زاڭسىز ميگرانتتار دەموكراتيالىق پارتيا وكىلدەرى باسقاراتىن «كوك شتاتتاردان» قولداۋ تابامىز دەپ ۇمىتتەنەدى دەگەن بولجام بار.
سارسەنبى كۇنى ا ق ش شەكارا قىزمەتىنىڭ باسشىسى توم حومان دەموكراتتار مەن مەكسيكا بيلىگىنە قاتاڭ ەسكەرتۋ جاسادى.
- كونگرەسس پەن تەحاستا دەموكراتتاردىڭ ىقپالى ارتۋى مۇمكىن. ءبىراق اق ءۇي رەسپۋبليكاشىلداردىڭ، ونىڭ ىشىندە ايقىن رەسپۋبليكاشىلداردىڭ قولىندا. پرەزيدەنت دونالد ترامپ ا ق ش تاريحىنداعى ەڭ سەنىمدى شەكارا قورعانىسىن قالىپتاستىردى. ميگرانتتار كەرۋەنى شەكاراعا قانشا جاقىنداسا دا، ا ق ش- قا كىرە المايدى. ولار كەرى قايتارىلادى نەمەسە قىلمىستىق جاۋاپقا تارتىلادى. دەپورتاتسيا الدىندا تۇرمەگە قامالىپ، جازاسىن وتەيدى. ءبىز شەكارانىڭ ءبىر قارىس جەرىن دە بەرمەيمىز. ونىڭ قاۋىپسىزدىگىن قامتاماسىز ەتەمىز. اق ۇيدە شەكارادا قايتادان بەيبەرەكەتسىزدىك ورناۋىنا جول بەرمەيتىن پرەزيدەنت ترامپ وتىر. مەن دە بۇعان جول بەرمەيمىن، - دەدى توم حومان.
حومان مەكسيكا بيلىگىن ا ق ش پرەزيدەنتى دونالد ترامپ سياقتى باتىل قادام جاساپ، ەلدىڭ وڭتۇستىك جانە سولتۇستىك شەكارالارىنا اسكەر ورنالاستىرۋعا شاقىردى. ونىڭ ايتۋىنشا، مەكسيكا زاڭناماسى ەل اۋماعى ارقىلى ءتيىستى ۆيزاسىز ترانزيتپەن وتۋگە تىيىم سالادى. سوندىقتان ميگرانتتار بۇل ەلدىڭ زاڭىن دا بۇزىپ وتىر. وسىعان وراي حومان مەكسيكا بيلىگىن كوشى-قون اعىنىن باقىلاۋدى كۇشەيتۋگە ۇندەدى.
10-قاراشادا Fox News تەلەارناسىنا بەرگەن سۇحباتىندا ا ق ش ىشكى قاۋىپسىزدىك ءمينيسترى ماركۋەين ماللين ەلدەن زاڭسىز كەلگەن 3600 گە جۋىق ميگرانت كۇن سايىن دەپورتاتسيالاناتىنىن مالىمدەدى. ناۋرىزدان تامىزعا دەيىن دەپورتاتسيالىق رەيستەر سانى 45 پايىز ارتقان. ال قىركۇيەكتە ا ق ش جوعارعى سوتى ترامپ اكىمشىلىگىنە ميگرانتتاردى ءۇشىنشى ەلدەرگە دەپورتاتسيالاۋ ساياساتىن جالعاستىرۋعا رۇقسات بەردى. وسى شەشىمنەن كەيىن گۆاتەمالا ازاماتتارى افريكاداعى ەسۆاتيني مەن گانا سياقتى ەلدەرگە جونەلتىلدى. بۇل تۋرالى X الەۋمەتتىك جەلىسىندە جاريالاندى.
بۇعان دەيىن ا ق ش ليبەرياعا العاشقى دەپورتاتسياسىن جۇزەگە اسىرعانىن حابارلاعان بولاتىنبىز.