يراننىڭ سىرتقى ىستەر ءمينيسترى ماسكەۋگە كەلدى
استانا. KAZINFORM - يراننىڭ سىرتقى ىستەر ءمينيسترى ابباس اراكچي ماسكەۋدە ءبىرقاتار كەلىسسوز جۇرگىزبەك. سونىمەن قاتار رەسەي پرەزيدەنتى ۆلاديمير پۋتينمەن دە كەزدەسۋ جوسپارلانعان، دەپ حابارلايدى رەسەيلىك ت ا س س.
رەسەي فەدەراتسياسىنىڭ رەسمي وكىلى ماريا زاحاروۆانىڭ ايتۋىنشا، يران ءمينيسترى ماسكەۋگە كەلىسسوزدەر جۇرگىزۋ ءۇشىن جەكسەنبى كۇنى كەشكىسىن كەلگەن.
IRNA اگەنتتىگىنىڭ حابارلاۋىنشا، يراننىڭ سىرتقى ىستەر ءمينيسترى ا ق ش پەن ءيزرايلدىڭ يرانعا سوققى جاساۋىنا بايلانىستى وڭىرلىك جانە حالىقارالىق كۇن تارتىبىنە قاتىستى ماسەلەلەر بويىنشا رەسەي كوشباسشىسىمەن جانە جوعارى دارەجەلى شەنەۋنىكتەرمەن كەڭەسپەك.
اراكچي پۋتينمەن كەزدەسۋىنىڭ 23- ماۋسىمعا جسپارلانعانىن وسىعان دەيىن دە ايتقان بولاتىن. بۇل رەتتە ول ر ف مەن يران اراسىندا ستراتەگيالىق ارەپتەستىك جونىندە كەلىسىم جاسالعانىن ەسكە سالدى. وسىعان بايلانىستى ماسكەۋ مەن تەگەران ءوزارا كەڭەستى تۇراقتى وتكىزىپ، وزدەرىنىڭ ءىس-ارەكەتتەرىن ۇيلەستىرىپ وتىرادى.
ۆلاديمير پۋتين وسىعان دەيىن ءيزرايلدىڭ يراندى بومبىلاۋىنا بايلانىستى ءوزىنىڭ ۇستانىمىن ناقتى جەتكىزگەن بولاتىن. ول يسلام مەملەكەتىنىڭ ازاماتتىق يادرولىق باعدارلامانى دامىتىپ، اتوم تەحنولوگيالارىن بەيبىت ماقساتتا قولدانۋعا قۇقى بار ەكەنىن جەتكىزدى. ال ماگاتە-دە يراننىڭ يادرولىق قارۋ جاساپ جاتقانى تۋرالى ەشقانداي مالىمەت جوق. سونىمەن قاتار پۋتين ماسكەۋدىڭ كەلىسىم اياسىنداعى بارلىق مىندەتتەمەلەرىن ورىنداپ وتىرعانىن جانە تەگەراننىڭ بەيبىت اتومدى قوسا العاندا زاڭدى مۇددەلەرىن قورعاۋ ىسىندە قولداپ وتىرعىنان جەتكىزدى.
اراكچي-ءدىڭ ماسكەۋگە ساپارىنا ا ق ش پرەزيدەنتىنىڭ قاۋىپسىزدىك بويىنشا كومەكشىسىنىڭ ۋاقىتشا مىندەتىن اتقارۋشى، مەملەكەتتىك حاتشى ماركو رۋبيو پىكىر ءبىلدىردى.
ول يراننىڭ سىرتقى ىستەر ءمينيسترىنىڭ ۆاشينگتون ەميسسارلارى ەمەس رەسەي جەتەكشىلىگىمەن كەزدەسۋگە بارا جاتقانىنا قىنجىلاتىنىن ءبىلدىردى.
سوعان قاراماستان رۋبيو رەسەي مەن يران سىرتقى ىستەر ءمينيسترىنىڭ كەلىسسوزدەرى بويىنشا نارازىلىق بىلدىرە المايتىنىن ايتتى.
وسىعان دەيىن ا ق ش- تىڭ يراننىڭ يادرولىق نىساندارىنا سوققى جاساعانى تۋرالى جازدىق.
يران ا ق ش- تى اگرەسسيا ءۇشىن ايىپتاپ، حالىقارالىق تەرگەۋگە الۋدى تالاپ ەتتى.