وقيعا تۋرالى يراننىڭ IRNA رەسمي اقپارات اگەنتتىگى يران اسكەري-اۋە كۇشتەرىنە سىلتەمە جاساپ حابارلادى.
- 22-قاڭتاردا ارميا اسكەري-اۋە كۇشتەرىنىڭ ۇشاعى حامادان پروۆينتسياسىندا وقۋ-جاتتىعۋ تاپسىرماسىن ورىنداۋ كەزىندە اپاتقا ۇشىرادى. ەكى ۇشقىشتىڭ دا دەنساۋلىعى جاقسى، - دەلىنگەن حابارلامادا.
پروۆينتسيا گۋبەرناتورىنىڭ ورىنباسارى حامزە امرايدىڭ Tasnim اقپارات اگەنتتىگىنە حابارلاعانىنداي، يران اسكەري-اۋە كۇشتەرىنىڭ اسكەري ۇشاعى سارسەنبى كۇنى تاڭەرتەڭ كەبۋدراحەنگ ماڭىندا وقۋ-جاتتىعۋ كەزىندە اپاتقا ۇشىراعان.
كەبۋدراحەنگ قالاسى سولتۇستىك-باتىستا، حامادان پروۆينتسياسىنىڭ ورتالىعىنان 60 شاقىرىم جەردە ورنالاسقان.
ب ا ق حابارلاۋىنشا، ۇشقىشتار جەڭىل جاراقاتتارمەن اۋرۋحاناعا جەتكىزىلگەن.
بۇعان دەيىن يران ارمياسى 1000 جەتىلدىرىلگەن ۇشقىشسىز اپپارات العانىن جازعان بولاتىنبىز.