يراننىڭ اتوم ەنەرگەتيكاسى اگەنتتىگى: ۋران بايىتۋدى توقتاتپايمىز

استانا. KAZINFORM - يراننىڭ اتوم ەنەرگەتيكاسى جونىندەگى اگەنتتىگى ا ق ش- تىڭ ناتانز جانە فوردو قالالارىنداعى زاۋىتتارعا جاساعان شابۋىلىنا قاراماستان، ەلدىڭ ۋران بايىتۋ باعدارلاماسى توقتاتىلمايتىنىن مالىمدەدى، دەپ جازدى BBC.

Reuters اگەنتتىگى كەلتىرگەن مالىمدەمەدە يران «ەلدىڭ وندىرىستىك دامۋى» توقتامايدى، دەپ ناقتى ايتىلعان. بۇل تۇستا يادرولىق ينفراقۇرىلىم مەڭزەلىپ وتىر.

- ا ق ش- تىڭ ارەكەتتەرىن حالىقارالىق قۇقىق پەن يادرولىق قارۋدى تاراتپاۋ تۋرالى شارتتىڭ ورەسكەل بۇزىلۋى دەپ اتايمىز. ماگاتە ۇيىمىن ۇنسىزدىك پەن ارەكەتسىزدىك تانىتتى دەپ ايىپتايمىز، - دەدى اگەنتتىك. 
بۇعان دەيىن ا ق ش يراننىڭ بىرنەشە يادرولىق نىساندارىنا اۋە سوققىلارى جاساعانى حابارلانعان بولاتىن.

ەسكە سالا كەتەيىك، ا ق ش يراننىڭ يادرولىق نىساندارىنا سوققى جاساپ، ترامپ وپەراتسيانى ءساتتى دەپ اتاعان بولاتىن.

ارتىنشا دونالد ترامپ ا ق ش يراننىڭ ۋران بايىتۋ نىساندارىن تولىقتاي جويعانىن مالىمدەپ، حالىققا ۇندەۋ جاسادى.

ال، جاقىندا عانا يراننىڭ ۋران بايىتۋى جاڭا دەڭگەيگە شىققانى حابارلانعان ەدى. تەگەران ۋران قورىن قارۋ جاساۋعا جاقىن دەڭگەيدە بايىتىپ، ونى كوبەيتۋدى جالعاستىرىپ وتىر. بۇل تۋرالى حالىقارالىق اتوم ەنەرگياسى اگەنتتىگىنىڭ (ماگاتە) قۇپيا ەسەبىندە ايتىلعان بولاتىن.