يراندا ينتەرنەت قىزمەتى توقتادى

استانا. قازاقپارات — NetBlocks حالىقارالىق ينتەرنەت مونيتورينگى قىزمەتى يراندا ينتەرنەت دەرلىك تولىق وشىرىلگەنىن حابارلادى.

قىزمەتتىڭ ناقتى ۋاقىتتاعى جەلى جۇمىسى تۋرالى مالىمەتتەرى بويىنشا، قازىرگى تاڭدا يراندا ەل كولەمىندە ينتەرنەتتىڭ دەرلىك تولىق ءوشىرىلۋى بايقالادى.

بۇل جاعداي الدىڭعى جارتىلاي ۇزىلىستەردىڭ سەرياسىنان كەيىن ورىن الىپ، بىرنەشە كۇندىك ءوزارا زىمىراندىق سوققىلاردان كەيىن يزرايلمەن اسكەري شيەلەنىستىڭ ءورشۋى تۇسىندا بولدى.

بۇعان دەيىن حابارلانعانداي، يراننىڭ جەتەكشى مەملەكەتتىك بانكتەرىنىڭ بىرىنە اۋقىمدى كيبەرشابۋىل جاسالدى. سونىڭ سالدارىنان كليەنتتەرگە قىزمەت كورسەتۋ جۇمىسى اقساپ، بانك جۇيەسىنە كىرۋ مۇمكىن بولماي قالدى.

سونداي-اق، G7 ەلدەرىنىڭ كوشباسشىلارى دۇيسەنبى كۇنى بىرلەسكەن مالىمدەمە جاساپ، وندا يراننىڭ يادرولىق قارۋى بولماۋى كەرەك دەپ مالىمدەپ، يزرايلدىڭ ءوزىن-ءوزى قورعاۋ قۇقىعىن راستادى.

ءوز كەزەگىندە اياتوللا حامەنەي يراننىڭ تاڭىلعان سوعىسقا دا، تاڭىلعان بەيبىتشىلىككە دە كونبەيتىنىن ايتتى.

بۇگىن رەسەي يزرايل مەن يرانعا اراعايىندىق جاساۋعا دايىن ەكەنى بەلگىلى بولدى.