استانا. قازاقپارات - يراندا 28-ماۋسىم كۇنى پرەزيدەنت سايلاۋى وتەدى. ساياسي دوداعا 6 ۇمىتكەر قاتىسادى. ولاردىڭ اراسىندا پارلامەنت سپيكەرى مۇحاممەد باگەر گالي-باف، يادرولىق باعدارلاما جونىندەگى كەلىسسوزدەر توبىنىڭ بۇرىنعى باسشىسى سايد جاليلي جانە تەگەران ءمەرى الي- رەزا زاكاني بار.
ساراپشىلاردىڭ پىكىرىنشە، گالي-بافتىڭ جەڭىسكە جەتۋگە مۇمكىندىگى مول. سايلاۋعا قاتىسۋعا 80 ادام ءوتىنىش بىلدىرگەن. ءبىراق كونستيتۋتسيا ساقشىلار كەڭەسى تەك 6 كانديداتقا رۇقسات بەرگەن.
وتكەن ايدا يران پرەزيدەنتى يبراحيم رايسي تىكۇشاق اپاتىنان قازا تاپقان ەدى. جەرگىلىكتى زاڭعا سايكەس ەگەر پرەزيدەنت ءوز مىندەتىن اتقارا الماسا، 50 كۇن ىشىندە جاڭا پرەزيدەنت سايلاۋى ءوتىپ، جاڭا باسشى تاعايىندالۋى كەرەك.
24.kz
باقىتجول كاكەش
باقىتجول كاكەش - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «جۋرناليستيكا» ماماندىعىن وقىعان. 2009- جىلدان بەرى «قازاقپارات» ح ا ا- دا شىعارۋشى رەداكتور بولىپ قىزمەت اتقارىپ كەلەدى.