يران يزرايلمەن اتىستى توقتاتۋ رەجيمى كۇشىنە ەنگەنىن مالىمدەدى

استانا. KAZINFORM - يران تاراپىنان اتىستى توقتاتۋ رەجيمى كۇشىنە ەندى، دەپ حابارلايدى Press TV.

- اتىستى توقتاتۋ يراننىڭ يزرايل باسىپ العان اۋماقتارعا ءتورت رەت شابۋىل جاساۋىنان كەيىن باستالدى، - دەپ حابارلايدى Press TV.

بۇعان دەيىن ترامپ يزرايل مەن يران اراسىندا اتىستىڭ تولىق توقتاتىلعانىن جاريالاعان بولاتىن. كەلىسىم ا ق ش پەن قاتاردىڭ بىرلەسكەن دەلدالدىعىنىڭ ناتيجەسى بولدى.

ەسكە سالا كەتسەك، 13- ماۋسىمعا قاراعان ءتۇنى يزرايلدىڭ اسكەري-اۋە كۇشتەرى يرانعا سوققى جاسادى. تەگەراندا جارىلىستاردىڭ دىبىسى ەستىلدى. يزرايل توتەنشە جاعداي رەجيمىن جاريالاپ، ءوزىنىڭ اۋە كەڭىستىگىن جاپتى. يران يزرايل سوققىسىنان جوعارى اسكەري قولباسشىلارى مەن جەتەكشى عالىمدارى قازا تاپقانىن راستادى.

جاۋاپ رەتىندە يران يزرايل باعىتىنا 100 دەن استام ۇشقىشسىز ۇشۋ اپپاراتىن (درون) جىبەردى.

ا ق ش پرەزيدەنتى دونالد ترامپ يراننىڭ يادرولىق ينفراقۇرىلىمىنا قارسى جۇرگىزىلگەن «وتە ءساتتى» اسكەري وپەراتسيا تۋرالى مالىمدەدى.

اۆتور

زارينا تۋعانبايەۆا