يران يزرايلدى بومبالاپ جاتىر: قاپتاعان زىمىران ۇشىردى

استانا. KAZINFORM - يران يزرايلگە زىمىران ۇشىردى. بۇل تۋرالى يزرايل ارمياسى حابارلادى. يزرايلدە اۋە شابۋىلى تۋرالى ەسكەرتۋ جاريالاندى.

يراننىڭ رەسمي اقپارات اگەنتتىگى IRNA يزرايلگە زىمىران ۇشىرعانىن راستادى، ءبىراق قوسىمشا مالىمەت بەرمەي وتىر. بۇل تۋرالى BBC جازدى.

ازىرگە زىمىران سوققىسىنىڭ اۋقىمى تۋرالى ناقتى اقپارات جوق. العاشىندا كەيبىر باسىلىمدار جۇزگە جۋىق زىمىران تۋرالى حابارلاعان، سودان كەيىن Jerusalem Post گازەتى ەشقانداي دەرەككوزگە سىلتەمە جاساماي، 500 گە جۋىق زىمىران بولۋى مۇمكىن دەپ مالىمدەدى. الايدا بۇل اقپاراتتى تەكسەرۋ قاجەت.

بۇل گازەت سونىمەن قاتار قۇتقارۋ ۇيىمىنىڭ باسشىسى ماگەن دەۆيد ادومعا سىلتەمە جاساي وتىرىپ، تەل- اۆيۆتىڭ سولتۇستىگىندەگى عيماراتقا تىكەلەي سوققى جاسالىپ، يزرايلدىڭ تاعى بىرنەشە جەرىندە زىمىرانداردىڭ قۇلاعانىن حابارلايدى.

يزرايلدىك Haaretz گازەتى يەرۋساليم مەن تەل- اۆيۆتە كۇشتى جارىلىستاردىڭ ەستىلگەنىن حابارلايدى، سونىمەن قاتار يزرايلدىڭ ورتالىعى مەن وڭتۇستىگىندە، نەگيەۆ شولىندە زىمىران سوققىلارى بەرىلگەنى تۋرالى ازىرگە ناقتىلانباعان اقپارات بەردى.

ا ق ش پرەزيدەنتىنىڭ اكىمشىلىگى پرەزيدەنت دجو بايدەن ا ق ش اسكەرىنە يزرايلگە شابۋىلدى تويتارۋعا كومەكتەسۋدى بۇيىردى دەپ مالىمدەدى. امەريكا قۇراما شتاتتارى مەن باسقا وداقتاستار يزرايلگە وسى جىلدىڭ 13-ساۋىرىندە يراننىڭ جاپپاي سوققىسىن تويتارۋعا كومەكتەستى.

الەۋمەتتىك جەلىلەردە يراننان شىققان زىمىراندار يوردانيانىڭ ۇستىنەن ۇشىپ ءوتىپ، ءيزرايلدى بومبالاپ جاتقانى بەينەلەنگەن سان ءتۇرلى ۆيدەوجازبالار پايدا بولدى.

يران تەلەارناسى يسلام ريەۆوليۋتسياسى ساقشىلار كورپۋسىنىڭ مالىمدەمەسى جاقىن ارادا جاريالاناتىنىن حابارلادى.

سەيسەنبى كۇنى تاڭەرتەڭ ا ق ش پرەزيدەنتى اكىمشىلىگىنىڭ رەسمي وكىلى اتىن اتاماۋ شارتىمەن باسپا سوزگە بەرگەن سۇحباتىندا ا ق ش اقپاراتىنا سايكەس، يران جاقىن ارادا يزرايلگە بالليستيكالىق زىمىرانمەن شابۋىل جاساۋعا دايىندالىپ جاتقانىن ايتتى.

سەيسەنبى كۇنى اق ءۇي وكىلىنىڭ مالىمدەمەسىن بىرنەشە اگەنتتىك پەن باسقا دا ب ا ق تاراتتى.

كوپتەگەن حالىقارالىق ساراپشىلار اتاپ وتكەندەي، تەگەران وسى ۋاقىتقا دەيىن ءيزرايلدىڭ ايماقتاعى يراننىڭ نەگىزگى وداقتاستارىنىڭ ءبىرى ليۆانداعى «حەزبوللا» توبىنا سوققى بەرۋىنە جانە توپتىڭ جوعارعى توبىنىڭ تۇگەلدەي جويىلۋىنا ادەتتەن تىس ۇستامدىلىقپەن جاۋاپ بەردى.