يران: يزرايل شابۋىلىنان قازا تاپقاندار سانى 1060 ادامعا جەتتى

استانا. KAZINFORM - يزرايلدىڭ يران اۋماعىنا جاساعان سوققىلارىنان قازا تاپقاندار سانى 1060 ادامعا جەتتى. بۇل تۋرالى دۇيسەنبى كۇنى يران يسلام رەسپۋبليكاسى شاھيدتەر مەن ارداگەرلەر ىستەرى قورىنىڭ ءتوراعاسى سايد وحادي مالىمدەدى، دەپ جازادى ت ا س س.

- بۇگىنگى كەشكە دەيىن ءبىز يزرايل رەجيمىنىڭ يرانعا جاساعان شابۋىلدارىنان قازا تاپقان 1060 ادامدى جەرلەدىك، - دەدى ول يران مەملەكەتتىك تەلەارناسىنىڭ تىكەلەي ەفيرىندە.
بۇعان دەيىن يران اۋماعىندا جۇرگىزىلگەن اسكەري ءىس-قيمىلدار كەزىندە 950 ادامنىڭ قازا تاپقانى حابارلانعان بولاتىن.

يزرايل يرانعا قارسى اسكەري وپەراتسيانى 13-ماۋسىمعا قاراعان ءتۇنى باستادى.

ودان كەيىن ءبىر تاۋلىكە وتپەي، يران جاۋاپ رەتىندە قارسى سوققى جاسادى.

قاقتىعىس ۋشىعۋىنان كەيىن توعىز كۇن وتكەن سوڭ ا ق ش-تا ارالاسىپ، فوردو، ناتانز جانە يسفاحان قالالارىنداعى يران يادرولىق نىساندارىنا سوققى بەردى.

23-ماۋسىم كەشكە يران كاتارداعى تاياۋ شىعىستاعى ەڭ ءىرى امەريكالىق اسكەري بازا - ءال-ۋدەيدكە شابۋىل جاسادى.

وسىدان كەيىن ا ق ش پرەزيدەنتى دونالد ترامپ يزرايل مەن يراننىڭ اتىستى توقتاتۋعا كەلىسكەنىن جاريالادى. ءبىتىم 24-ماۋسىم كۇنى كۇشىنە ەندى.

اۆتور

جاراسقان نۇرىبايەۆ