يران يزرايل شابۋىلىنان كەيىن ورمۋز بۇعازىن جابايىن دەپ جاتىر

استانا. KAZINFORM - يران ءيزرايلدىڭ شابۋىلىنان كەيىن ورمۋز بۇعازىن جابۋ ماسەلەسىن قاراستىرىپ جاتىر. بۇل تۋرالى يران پارلامەنتىنىڭ ۇلتتىق قاۋىپسىزدىك جانە سىرتقى ساياسات جونىندەگى كوميتەتىنىڭ مۇشەسى يسمايل كوساري مالىمدەدى، دەپ حابارلايدى ت ا س س.

- ورمۋز بۇعازىن جابۋ ماسەلەسى قازىر قاراستىرىلىپ جاتىر جانە يران ءتيىستى شەشىم قابىلداۋدان تارتىنبايدى، - دەپ كەلتىرەدى ونىڭ ءسوزىن يراندىق Rokna پورتالى.

سۇيىتىلعان تابيعي گازدىڭ الەمدىك جەتكىزىلىمىنىڭ 0 نا دەيىن جانە مۇناي مەن مۇناي ونىمدەرىنىڭ جاھاندىق ەكسپورتىنىڭ نا دەيىن ورمۋز بۇعازى ارقىلى وتەدى. يران بيلىگى بۇعان دەيىن ۇلتتىق قاۋىپسىزدىككە قاۋىپ تونگەن جاعدايدا ورمۋز بۇعازىندا كەمە قاتىناسىن شەكتەي الاتىنىن بىرنەشە رەت ەسكەرتكەن.

ەسكە سالا كەتەيىك، جۇما، 13-ماۋسىمعا قاراعان ءتۇنى يزرايل يرانعا جاپپاي سوققى بەردى. بۇعان جاۋاپ رەتىندە تەگەران يزرايلگە قاراي جۇزدەن استام درون ۇشىردى. يران ناتانزەدەگى يادرولىق قوندىرعىنىڭ زاقىمدانعانىن راستادى، ءبىراق رادياتسيانىڭ اعىپ كەتكەنىن جوققا شىعاردى.

يران يزرايلگە زىمىران سوققىلارىنىڭ جاڭا تولقىنىن باستادى. ءيزرايلدىڭ توتەنشە جاعدايلار قىزمەتى حابارلاعانداي، يراندىق زىمىران اتىسىنان ەكى ادام قازا تاپتى - شامامەن 60 جاستاعى ايەل جانە 45 جاستاعى ەر ادام. تاعى 19 ادام جاراقات الدى، دەپ حابارلادى يزرايلدىڭ جەدەل جاردەم قىزمەتى.

يراننىڭ ب ۇ ۇ- داعى وكىلى ءيزرايلدىڭ اۋە شابۋىلى سالدارىنان 78 ادامنىڭ قازا تاپقانىن ايتقان بولاتىن. يراندا 320 دان استام ادام جاراقات الدى.