يران پورتتاعى جارىلىسقا زىمىران وتىنىنىڭ قاتىسىن جوققا شىعاردى
استانا. KAZINFORM - تەگەران يراننىڭ ەڭ ءىرى پورتىندا قاتتى زىمىران وتىنىنىڭ نەگىزگى قۇرامداس بولىگىن وندىرۋگە پايدالانىلعان زات جارىلدى دەگەن اقپاراتتى جوققا شىعاردى، دەپ حابارلايدى DW اقپارات اگەنتتىگى.
يران بيلىگى ونداعان ادامنىڭ ءومىرىن قيعان يراننىڭ ەڭ ءىرى ساۋدا پورتىنداعى جارىلىس حيميالىق زاتتاردى ابايسىز قولدانۋ سالدارىنان بولعانىن جانە ونىڭ زىمىران وتىنىنا ەش قاتىسى جوق ەكەنىن حابارلادى، دەپ جازدى ب ا ق. بۇل تۋرالى جەكسەنبى، 27-ءساۋىر كۇنى ەلدىڭ قورعانىس مينيسترلىگى جاريالاپ، مۇنداي حابارلامالار «يران دۇشپاندارىنىڭ ىقپالىندا» پايدا بولعانىن باسا ايتتى.
قورعانىس مينيسترلىگىنىڭ مالىمدەمەسىندە بەندەر- ابباس قالاسىنداعى شاحيد-رادجاي پورتى ايماعىندا اسكەري جۇكتەر بولماعانى، ءبىراق جارىلىستىڭ ناقتى سەبەبىن ءالى انىقتاۋ كەرەك ەكەنى ايتىلعان.
جەرگىلىكتى بيلىكتىڭ مالىمەتىنشە، ءورت سوندىرۋشىلەر ءورتتىڭ 90 پايىزعا جۋىعىن ءسوندىردى، جاعداي باقىلاۋعا الىندى.
40 ادام قازا تاۋىپ، 1200 ادام جاراقات الدى
27-ءساۋىر كۇنى كەشكە مەملەكەتتىك ب ا ق- تا جاريالانعان سوڭعى اقپاراتقا سايكەس پورتتا ءبىر كۇن بۇرىن بولعان كۇشتى جارىلىس سالدارىنان كەمىندە 40 ادام قازا تاۋىپ، 1200 ادام جاراقات العان.
New York Times گازەتى ايلاقتا بالليستيكالىق زىمىراندارعا ارنالعان قاتتى وتىننىڭ نەگىزگى ينگرەديەنتى - ناتري پەرحلوراتى جارىلعانىن حابارلادى.
جانارماي رەزەرۆۋارىنىڭ جارىلۋى
Tasnim اقپارات اگەنتتىگى پورتتا جانارماي سۇيىق قويماسىنىڭ جارىلعانىن حابارلادى. ءبىراق يراننىڭ مۇناي وڭدەۋ جانە تاراتۋ ۇلتتىق كومپانياسى جارىلىستىڭ مۇناي وڭدەۋ زاۋىتتارى، جانارماي سيستەرنالارى، تاراتۋ كەشەنى مەن مۇناي قۇبىرلارىنا قاتىسى جوق ەكەنىن ءتۇسىندىردى.
يراننىڭ توتەنشە جاعدايلاردى باسقارۋ اگەنتتىگىنىڭ باسپا ءسوز حاتشىسى حوسەين زافاري مالىمدەگەندەي، الدىن الا تەرگەۋ اپاتتىڭ جانعىش جانە حيميالىق ماتەريالدارى بار كونتەينەردەگى جارىلىس نەمەسە ءورت سالدارىنان بولعانىن كورسەتتى. Tasnim مالىمەتىنشە، جارىلىس تولقىنىنىڭ كۇشتى بولعانى سونشا، ەپيتسەنترگە جاقىن ورنالاسقان اكىمشىلىك عيماراتتى تولىعىمەن قيراپ، اۋدانداعى كوپتەگەن كولىك ورتەنىپ كەتتى.
ەسكە سالا كەتسەك، 26- ساۋىردە يراننىڭ وڭتۇستىگىندەگى پورتتا جويقىن جارىلىس بولدى.
قايعىلى وقيعاعا بايلانىستى مەملەكەت باسشىسى يران پرەزيدەنتىنە كوڭىل ايتۋ جەدەلحاتىن جولدادى.