يران ورمۋز بۇعازىن جاۋىپ تاستاۋى مۇمكىن

استانا. KAZINFORM - يران پارلامەنتى ورمۋز بۇعازىن جابۋدى ۇسىندى، دەپ حابارلايدى انادولى.

يران پارلامەنتىنىڭ ۇلتتىق قاۋىپسىزدىك جانە سىرتقى ساياسات جونىندەگى كوميسسياسىنىڭ مۇشەسى يسمايل كيەۆسەري «X» الەۋمەتتىك جەلىسىندەگى جازباسىندا يران پارلامەنتى ورمۋز بۇعازىن جابۋدى قولدايتىنىن مالىمدەدى.

ونىڭ ايتۋىنشا، تۇپكىلىكتى شەشىمدى ەلدىڭ جوعارى ۇلتتىق قاۋىپسىزدىك كەڭەسى قابىلداۋى ءتيىس.

بۇل مالىمدەمە 22 - ماۋسىمدا ا ق ش يسفاحان، ناتانز جانە فوردو قالالارىنداعى يراننىڭ ءۇش ءىرى يادرولىق نىسانىنا اۋقىمدى سوققى جاساعاننان كەيىن ايتىلدى.

ۆاشينگتون بۇل وپەراتسيانىڭ ماقساتى - تەگەراننىڭ يادرولىق باعدارلاماسىن «جويۋ نەمەسە ەداۋىر السىرەتۋ» بولعانىن حابارلادى. يران قاتاڭ جاۋاپ قايتارۋعا ۋادە بەردى.

ورمۋز بۇعازى ارقىلى تەك يران عانا ەمەس، ساۋد ارابياسى، يراك، بىرىككەن اراب امىرلىكتەرى، كۋۆەيت پەن كاتار دا مۇناي ەكسپورتتايدى. بۇل الەمدەگى تەڭىز ارقىلى تاسىمالداناتىن مۇنايدىڭ شامامەن ىن قۇرايدى.

ەسكە سالايىق، ا ق ش يراننىڭ يادرولىق نىساندارىنا سوققى جاساعان بولاتىن. دونالد ترامپ بۇل وپەراتسيانى ءساتتى دەپ باعالادى.