يران پرەزيدەنتى: يزرايلگە قارسى سوققى يراننىڭ مۇددەسى مەن ازاماتتارىن قورعاۋعا باعىتتالعان

استانا. KAZINFORM - يران پرەزيدەنتى ماسۋد پەزەشكيان سەيسەنبى كۇنى تەگەران يزرايل اۋماعىنا زىمىران ۇشىرعاننان كەيىن يزرايلدىڭ ارەكەتىنە «شەشۋشى جاۋاپ» بەرگەنىن مالىمدەدى، دەپ حابارلايدى Mehr اگەنتتىگى. بۇل تۋرالى ينتەرفاكس جازدى.

«زاڭدى قۇقىعىمىزعا سۇيەنە وتىرىپ، جانە يران مەن ايماقتىڭ بەيبىتشىلىگى مەن قاۋىپسىزدىگىن ساقتاۋ ءۇشىن سيونيستىك رەجيمنىڭ باسقىنشىلىعىنا شەشۋشى جاۋاپ بەرىلدى»، - دەدى پەزەشكيان.

ول «بۇل ارەكەت يراننىڭ مۇددەلەرى مەن ازاماتتارىن قورعاۋعا باعىتتالعانىن» اتاپ ءوتتى.

«نەتانياحۋ يراننىڭ سوعىس قوزدىرۋشى ەمەس ەكەنىن ءبىلۋى كەرەك. يران كەز كەلگەن قاۋىپ-قاتەرگە توتەپ بەرۋگە نيەتتى»، - دەپ اتاپ ءوتتى يران پرەزيدەنتى.

ونىڭ ايتۋىنشا، زىمىراندىق سوققى - تەگەراننىڭ اسكەري مۇمكىندىكتەرىنىڭ شەگى ەمەس.

«بۇل ءبىزدىڭ كۇشىمىزدىڭ ءبىر بولىگى عانا»، - دەدى پەزەشكيان.

«يرانمەن قاقتىعىسقا تۇسپەڭدەر»، - دەپ ەسكەرتتى ول.

اۆتور
زارينا تۋعانبايەۆا