استانا. KAZINFORM - يران پرەزيدەنتى ماسۋد پەزەشكيان تەبريزگە ءىسساپارى كەزىندە كورتەجدەگى ءۇش كولىك تە ءوشىپ قالىپ، تاكسي شاقىرۋعا ءماجبۇر بولدى، دەپ حابارلايدى NasrNews .
كولىكتەر جانارماي قۇيۋ بەكەتىنە توقتاعان سوڭ، كولىكتەرگە سۋ ارالاس بەنزين قۇيىلعان. بۇل تۋرالى باسىلىمعا پرەزيدەنتتىڭ ارنايى ينسپەكتورى مۇستافا موۆلاۆي ايتىپ بەرگەن.
موۆلاۆيدىڭ مالىمدەۋىنشە، كورتەجدەگى كولىكتەرگە راشت تاس جولىنا كىرەبەرىستە ساپاسىز بەنزين قۇيىلعان. وسىدان كەيىن كولىكتەر كازۆين پروۆينسياسىندا توقتاپ قالادى. پەزەشكيان تەبريزگە جەتۋ ءۇشىن تاكسي شاقىرۋعا ءماجبۇر بولعان.
پرەزيدەنتتىڭ تەكسەرۋ باستاۋ ءۇشىن جەرگىلىكتى اكىمشىلىككە حابارلاسپاعانى اتاپ ءوتىلدى. موۆلاۆي مۇنداي جاعدايعا قاراپايىم ازاماتتاردىڭ دا ءتۇسۋى مۇمكىن ەكەنىن ايتتى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан