يران مەن ا ق ش اراسىنداعى ديالوگتىڭ كەلەسى راۋندى وماندا 11-مامىردا وتەدى
استانا. KAZINFORM - يسلام مەملەكەتەتىنىڭ يادرولىق باعدارلاماسى اياسىنداعى داعدارىستى رەتتەۋگە باعىتتالعان ا ق ش پەن يران اراسىنداعى كەلىسسوزدەردىڭ كەزەكتى ءتورتىنشى راۋندى وماندا 11-مامىردا وتەدى، دەپ حابارلايدى رەسەيلىك ت ا س س NourNews اگەنتتىگىندەگى دەرەككوزگە سىلتەمە جاساپ.
وسىعان دەيىن Axios پورتالىنىڭ ءتىلشىسى باراك راۆيد X الەۋمەتتىك جەلىسىندە ا ق ش- تىڭ ارنايى ەلشىسى ستيۆەن ۋيتكوففتىڭ ءسوزىن كەلتىرە وتىرىپ، تەگەراننىڭ يادرولىق باعدارلاماسىنا قاتىستى ا ق ش-يران كەلىسسوزدەرىنىڭ ءتورتىنشى راۋندى 10-11-مامىردا ءوتۋى مۇمكىن ەكەنىن جازعان بولاتىن.
ا ق ش مەملەكەتتىك حاتشىسى ماركو رۋبيو وسىعان دەيىن يران ءوزىنىڭ ازاماتتىق يادرولىق باعدارلاماسىن ساقتاپ قالعىسى كەلسە، ۋراندى بايىتۋدى تولىعىمەن توقتاتۋى كەرەك ەكەنىن ايتتى. ول يران باسقا ەلدەر سياقتى بايىتىلعان ماتەريالدى ءوزى وندىرمەي-اق يمپورتتاي الادى دەگەن پىكىردە.