- ءبىز يران وكىلدەرىمەن بىرنەشە مازمۇندى پىكىرتالاستار وتكىزدىك، بۇل - جاقسى جاڭالىق. ال ناشار جاڭالىق - كەلىسىمگە كەلە المادىق، جانە مەنىڭ ويىمشا، بۇل يران ءۇشىن ا ق ش- پەن سالىستىرعاندا الدەقايدا ۇلكەن پروبلەما، - دەدى ۆەنس. - ءبىز جاي عانا يراننىڭ ءبىزدىڭ شارتتارىمىزدى قابىلدايتىن جاعدايعا كەلە المادىق، - دەپ قوستى ا ق ش ۆيتسە-پرەزيدەنتى.
ۆەنس كەلىسسوزدەردە نەگىزگى ماسەلە رەتىندە يادرولىق قارۋ ماسەلەسى تۇرعانىن اتاپ ءوتتى. ونىڭ ايتۋىنشا، ا ق ش پرەزيدەنتى ترامپتىڭ باستى ماقساتى - تەگەراننىڭ قازىرگى جانە بولاشاقتا يادرولىق قارۋعا يە بولۋىنا جول بەرمەۋ. يسلامابادتاعى كەزدەسۋلەردە ا ق ش تاراپىنان يراننىڭ يادرولىق قارۋ جاساۋدان باس تارتاتىنىنا ناقتى ۋادە العان جوق.
سوڭعى 24 ساعات ىشىندە كەلىسسوزدەر ورمۋز بۇعازى، يادرولىق باعدارلاما، اسكەري وتەماقىلار، سانكسيالاردى جويۋ جانە يرانعا جانە وڭىردەگى سوعىستى تولىق توقتاتۋ سياقتى نەگىزگى تاقىرىپتاردىڭ ءارتۇرلى اسپەكتىلەرىن تالداۋعا ارنالدى.