سوت جۇيەسى باسشىسىنىڭ ورىنباسارى سادىق راحيميدىڭ ايتۋىنشا، كەشىرىم جاسالعان جانە جەڭىلدەتىلگەن سوتتالعانداردىڭ 2745 ءى مەملەكەتتىك جانە ريەۆوليۋتسيالىق سوتتار، 11 ءى قارۋلى كۇشتەردىڭ سوت جۇيەسى جانە 131 ءى يراننىڭ جازالار باسقارماسى تاراپىنان باس بوستاندىعىنان ايىرىلعان.
سونداي-اق، ءولىم جازاسىنا كەسىلگەن 59 ادامنىڭ ۇكىمى باس بوستاندىعىنان ايىرۋ جازاسىنا وزگەرتىلدى.
راقىمشىلىققا ىلىنگەندەردىڭ ىشىندە 140 ايەل، 40 شەتەل ازاماتى، قاۋىپسىزدىك قىلمىسى ءۇشىن سوتتالعان 39 جانە 18 جاسقا تولماعان 6 ازامات بار.
يران كونستيتۋتسياسىنا سايكەس، ەلدىڭ جوعارعى باسشىسى سوت ۇكىمەتى باسشىسىنىڭ ۇسىنىسى بويىنشا تۇتقىندارعا كەشىرىم جاساۋ نەمەسە جازاسىن جەڭىلدەتۋ قۇزىرەتىنە يە.
بارلىق مەملەكەتتىك ماسەلەلەردە سوڭعى ءسوزدى ايتاتىن حامەنەي ادەتتە بەلگىلى ءبىر مەرەكەلەردە تۇتقىنداردى كەشىرەدى.
بۇل جولعى راقىمشىلىق تۋرالى شەشىم 21-قىركۇيەك - ماۋليدۋننابي كۇنىنە وراي شىعارىلدى.