يران شەتەلدىكتەرگە باقىلاۋدى كۇشەيتتى

استانا. KAZINFORM - يران پارلامەنتى ەلگە كەلەتىن شەتەلدىكتەرگە باقىلاۋدى كۇشەيتتى. پارلامەنت دەپۋتاتتارىنىڭ ءتيىستى شەشىمى تۋرالى Tasnim اگەنتتىگى پارلامەنتتىڭ ىشكى ىستەر كوميسسياسىنىڭ ءتوراعاسى موحامماد سالەح دجوكارعا سىلتەمە جاساپ حابارلادى.

اتاپ ايتقاندا، يرانعا كەلگەن شەتەلدىكتەر ءۇشىن كەپىلدىك ەنگىزىلەدى. ەندى يسلام رەسپۋبليكاسى اۋماعىندا بولۋدى جوسپارلاعانداردان بەلگىلى ءبىر سومانى دەپوزيتكە سالۋ تالاپ ەتىلىپ، ەلدەن شىققاننان كەيىن قايتارىلادى.

كەپىل كولەمى ازىرگە بەلگىلەنگەن جوق. ونى ەلدىڭ ىشكى ىستەر مينيسترلىگى انىقتايدى.

سونىمەن قاتار، باسىلىم شەتەل ازاماتتارىنىڭ ماسەلەلەرى بويىنشا ەرەجەلەردى ازىرلەيتىن «باسقارۋ كەڭەسى» قۇرىلعانىن حابارلادى.

تامىز ايىندا يران شەكارا پوليتسياسىنىڭ قولباسشىسى، بريگادا گەنەرالى احماد ءالي گۋدارزي زاڭسىز ميگرانتتار يراننان 2025 -جىلدىڭ 21-ناۋرىزىنا دەيىن كەتۋى كەرەك دەپ مالىمدەگەن.

ونىڭ ايتۋىنشا، بۇل ساياسات ەلدىڭ قاۋىپسىزدىگى ءۇشىن حالىقتىڭ قالاۋى بويىنشا جۇزەگە اسىرىلىپ جاتىر.

يرانعا اسىرەسە اۋعانستان ازاماتتارى كوشىپ كەلەتىنى اتالىپ ءوتتى.

اۆتور
ەركەجان سماعۇلوۆا