استانا. KAZINFORM - يران دەلەگاتسياسى ا ق ش-پەن ىقتيمال كەلىسسوزدەرگە قاتىسۋ ءۇشىن يسلاماباد قالاسىنا باردى، دەپ حابارلايدى Report .
حابارلاماعا سايكەس، يران دەلەگاتسياسىن ءماجىلىس ءتوراعاسى مۇحامماد باگەر گاليباف پەن سىرتقى ىستەر ءمينيسترى ابباس اراگچي باسقارادى.
كەلىسسوزدەر 11-ساۋىردە پاكىستاندا ءوتۋى مۇمكىن ەكەنى اتاپ ءوتىلدى. امەريكالىق دەلەگاتسيانى ا ق ش ۆيتسە-پرەزيدەنتى دجەي دي ۆەنس باسقارادى دەپ جوسپارلانعان.
بۇعان دەيىن پاكىستان پرەمەر-ءمينيسترى كەلىسسوزدەر 10-ءساۋىر، جۇما كۇنى يسلامابادتا باستالادى دەپ ايتقان ەدى. سونداي-اق اق ءۇي وكىلى ا ق ش پرەزيدەنتى دونالد ترامپ يراندى ءبىتىم كەلىسىمىنە سايكەس ورمۋز بۇعازىن اشۋعا ماجبۇرلەيتىنىن مالىمدەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан