يران بيلىگى مۋزىكانت ايەل بولعانى ءۇشىن كونسەرتتى توقتاتتى
استانا. KAZINFORM - يرانداعى كونسەرت ايەل مۋزىكانتقا بايلانىستى بولماي قالدى. بۇل تۋرالى يرانداعى ادام قۇقىقتارى ۇيىمى حابارلادى، دەپ جازادى Report.
اقپاراتقا سايكەس، 5-اقپاندا يسفاحان قالاسىندا «ليانا» مۋزىكالىق توبىنىڭ كونسەرتى ءوتۋى كەرەك ەدى. الايدا مۋزىكانتتاردىڭ اراسىندا ايەلدىڭ بولۋىنا بايلانىستى كونسەرت توقتاتىلعان.
كونسەرت وتكىزۋگە بارلىق قۇزىرلى ورگانداردان الدىن الا رۇقسات الىنعانى ايتىلىپ جاتىر.
مۋزىكالىق توپتىڭ جەتەكشىسى - موحسەن شاريفيان. ونىڭ قىزى ليانا شاريفيان دا توپ مۇشەسى. ونىڭ قاتىسۋىنا بايلانىستى كونسەرت وتپەيدى.
ايتا كەتەيىك، بۇعان دەيىن يتاليا يران ەلشىسىن س ءى م-نە شاقىرىپ، ۇستالعان جۋرناليستىڭ بوساتىلۋىن تالاپ ەتكەنى تۋرالى جازعان ەدىك. يتاليالىق ارۋ سەسيليا سالا 19-جەلتوقساندا تەگەراندا جۋرناليست بولىپ جۇمىس ىستەپ جۇرگەن كەزىندە قاماۋعا الىنعان.
اۆتور
جاراسقان نۇرىبايەۆ