يران پارلامەنتى ۇكىمەتتىڭ جاڭا قۇرامىن جاساقتادى

استانا. KAZINFORM - سارسەنبى كۇنى يران پارلامەنتى پرەزيدەنت ماسۋد پەزەشكيان ۇسىنعان تىزىمدەگى بارلىق مينيسترلەردى بەكىتتى. ەلدە سوڭعى جيىرما جىلدان استام ۋاقىتتان بەرى العاش رەت مەملەكەت باسشىسى ءوزى ۇسىنعان كانديداتتاردىڭ بارلىعىن پارلامەنت ارقىلى وتكىزدى. 11-تامىزدا يران پرەزيدەنتى ماسۋد پەزەشكيان پارلامەنتكە 19 جاڭا ءمينيستردىڭ ءتىزىمىن ۇسىندى. سارسەنبىدە ءماجىلىس بارلىق كانديداتتاردى بىردەن ماقۇلدادى، دەپ حابارلايدى IRNA.

بۇل شەشىمنىڭ الدىندا بىرنەشە كۇن پىكىرتالاس بولدى. ۇكىمەتتىڭ جاڭا قۇرامى فراكسياارالىق، بۇل پرەزيدەنتتىڭ كونسەنسۋسقا ۇمتىلۋىن تانىتىپ وتىر.

مارقۇم پرەزيدەنت ەبراحيم رايسيدىڭ قاتال مينيسترلەر كابينەتىنەن ايىرماشىلىعى، جاڭا قۇرامدا دەنساۋلىق ساقتاۋ ءمينيسترى موحاممادرەزا زافاركاندي سياقتى رەفورماتورلار بار، ول ەڭ از داۋىس سانىنا (163 داۋىس) قاراماستان قىزمەتىن ساقتاپ قالدى.

«ءبىزدى قۇتقاراتىن جول - بىرلىك پەن ىنتىماق»، - دەدى پەزەشكيان 285 پارلامەنتاري الدىندا سويلەگەن سوزىندە، دەپ حابارلايدى AlJazeera.

ابباس اراكچي 247 داۋىسپەن سىرتقى ىستەر ءمينيسترى بولىپ بەكىتىلدى. ول يراننىڭ يادرولىق ۇستانىمى تۋرالى 2020 -جىلعى زاڭ جوباسىن قولداپ، يسلام رەۆوليۋتسياسى ساقشىلار كورپۋسىندا قىزمەت ەتكەن كەزىندە قابىلداعان ساياساتتارىن جالعاستىراتىنىن ايتتى.

اراكچي تەگەراننىڭ تاتۋ كورشى ساياساتى مەن سانكسيالاردى جويۋ جونىندەگى كەلىسسوزدەرىن جالعاستىراتىنىن باسا جەتكىزدى.

بەكىتىلگەن مينيسترلەردىڭ ءتىزىمى جانە ولارعا بەرىلگەن داۋىس سانى:

1. اليرەزا كازەمي - ءبىلىم ءمينيسترى: 268 داۋىس
2. ساتتار حاشەمي - بايلانىس جانە اقپاراتتىق تەحنولوگيالار ءمينيسترى: 264 داۋىس
3. يسمايل حاتيب - بارلاۋ ءمينيسترى: 261 داۋىس
4. ابدول ناسسەر حامماتي - ەكونوميكا جانە قارجى ءمينيسترى: 192 داۋىس
5. ابباس اراكچي - سىرتقى ىستەر ءمينيسترى: 247 داۋىس
6. موحاممادرەزا زافاركاندي - دەنساۋلىق ساقتاۋ ءمينيسترى: 163 داۋىس
7. احمەد ميداري - ەڭبەك جانە حالىقتى الەۋمەتتىك قورعاۋ ءمينيسترى: 191 داۋىس
8. عولامرەزا نۋري كازالدجە - اۋىل شارۋاشىلىعى جيھاد ءمينيسترى: 253 داۋىس
9. امين حوسسەين راحيمي - ادىلەت ءمينيسترى: 268 داۋىس
10. امير ازيز ناسيرزادە - قورعانىس ءمينيسترى: 281 داۋىس
11. فارزانە سادەگ مالۆاحارد - جول جانە قالانى دامىتۋ ءمينيسترى: 231 داۋىس
12. موحامماد اتاباك - ونەركاسىپ ءمينيسترى: 231 داۋىس
13. حوسسەين سيماي ساراف - عىلىم، زەرتتەۋلەر جانە تەحنولوگيالار ءمينيسترى: 221 داۋىس
14. ابباس سالەحي - مادەنيەت جانە يسلامدىق باعدار ءمينيسترى: 272 داۋىس
15. يسكاندار مومەني - ىشكى ىستەر ءمينيسترى: 259 داۋىس
16. رەزا سالەحي اميري - مادەني مۇرا، تۋريزم جانە قولونەر ءمينيسترى: 168 داۋىس
17. موحسەن پاكنەجاد - مۇناي ءمينيسترى: 222 داۋىس
18. ابباس اليابادي - ەنەرگەتيكا ءمينيسترى: 255 داۋىس
19. احماد دونيامالي - سپورت جانە جاستار ءمينيسترى: 253 داۋىس

اۆتور
زارينا تۋعانبايەۆا