يران ا ق ش-تىڭ يادرولىق وبەكتىلەرىنە جاساعان سوققىلارىنا جاۋاپ قاتتى

استانا. KAZINFORM - «سوعىس ءدال قازىر باستالدى»، - دەپ مالىمدەدى جەكسەنبىگە قاراعان ءتۇنى يراننىڭ يسلام ريەۆوليۋتسياسى ساقشىلار كورپۋسى (كسير)، ا ق ش اسكەريلەرى يرانداعى ءۇش يادرولىق نىسانعا سوققى جاساعاننان كەيىن، دەپ euronews سايتى.

ا ق ش پرەزيدەنتى دونالد ترامپ Truth Social پاراقشاسىندا فوردو، ناتانز جانە يسفاحان يادرولىق وبەكتىلەرىنە «تولىق وق-ءدارى قورىمەن شابۋىل جاسالعانىن» جازدى.

كسير مالىمدەمەسىندە بۇل ارەكەتتەر يران مەن يزرايل اراسىنداعى زىمىران جانە درون شابۋىلدارىنىڭ شيەلەنىسۋىنە سەبەپ بولعانىن، ەندى جاعداي جاي عانا قاقتىعىس ەمەس، تاياۋ شىعىستاعى تولىققاندى سوعىسقا اينالعانىن اتاپ ءوتتى.

فوردو قالاسىنداعى ۋران بايىتۋعا ارنالعان جەراستى زاۋىتى تەك ا ق ش-تىڭ ارنايى بۋنكەرلىك بومبالارى ارقىلى عانا جويىلا الاتىن نىسان رەتىندە ەسەپتەلەدى - ونى تەك يادرولىق شابۋىل نەمەسە جەر ءۇستى رەيدى ارقىلى بۇزۋ مۇمكىن.

ا ق ش پەن يزرايلدىڭ رەسمي وكىلدەرى امەريكالىق «كورىنبەيتىن» ستراتەگيالىق بومبالاۋشى ۇشاقتار مەن 15000 كيلوگراممدىق بۋنكەرلىك بومبالار تەرەڭ جەر استىندا ورنالاسقان يران يادرولىق ينفراقۇرىلىمىن جويۋدا ەڭ ءتيىمدى قۇرال ەكەنىن اتاپ ءوتتى.

بۇعان دەيىن يران ا ق ش يزرايل شابۋىلىنا قوسىلاتىن بولسا، جاۋاپ قايتارامىز دەپ ەسكەرتكەن بولاتىن. يراننىڭ جوعارعى كوسەمى اياتوللا الي حامەنەي سارسەنبى كۇنى ا ق ش- قا ەسكەرتۋ جاساپ:

- ءبىزدىڭ ەلگە جاسالعان شابۋىل سىزدەر ءۇشىن ورنى تولماس زالالعا اكەلەدى ، - دەگەن بولاتىن.
ەسكە سالايىق، ا ق ش پرەزيدەنتى دونالد ترامپ يرانداعى ءۇش يادرولىق نىسانعا جاسالعان شابۋىلدان كەيىن ەلگە تەلەۇندەۋ جولدادى.