يراكتاعى ساۋدا ورتالىعىندا بولعان ورتتەن قازا تاپقانداردىڭ سانى 60 قا جەتتى
استانا. KAZINFORM - يراكتاعى «Hypermarket» ساۋدا ورتالىعىندا بولعان ورتتەن كوز جۇمعان ادامداردىڭ سانى 50 دەن 60 قا دەيىن كوبەيدى، دەپ جازادى Al Jazeera.
پروۆينتسيا گۋبەرناتورى موحاممەد ءال-ماەحانىڭ ايتۋىنشا، قازىر ءورتتىڭ شىعۋ سەبەبى انىقتالىپ جاتىر. بۇل رەتتە عيمارات يەسى مەن ساۋدا ءۇيىنىڭ يەسىنە قاتىستى قىلمىستىق ىستەر قوزعالىپ ۇلگەردى. قويىلعان ايىپتاردىڭ ناقتى تۇجىرىمى ءالى جاريالانعان جوق.
ءۇش كۇندىك قارالى كۇن جاريالانىپ، وقيعاعا قاتىستى دەرەۋ تەرگەۋ باستالدى، ونىڭ ناتيجەسى كەيىنىرەك جاريالانادى.
الەۋمەتتىك جەلىدەگى وقيعا ورنىنان تۇسىرىلگەن ۆيدەودا ءورتتىڭ بەس قاباتتى عيماراتتى، ونىڭ ىشىندە گيپەرماركەت پەن مەيرامحانانى قالاي شارپىعانىن كورۋگە بولادى.
ەسكە سالا كەتەيىك، بۇعان دەيىن يراكتا ساۋدا ورتالىعىندا بولعان ورتتەن 50 ادام كوز جۇمعانىن حابارلاعان ەدىك.