يران يسلام ريەۆوليۋتسياسىنىڭ ساقشىلار كورپۋسى 13-قاراشادا باحرەين اۋماعىنداعى ا ق ش-تىڭ الدىن الا ەسكەرتۋ راديولوكاتسيالىق ستانتسياسىن جويعانىن مالىمدەدى. بۇل تۋرالى ۆەدومستۆونىڭ مالىمدەمەسىنە سىلتەمە جاساعان يراننىڭ IRNA اگەنتتىگى حابارلادى.
كورپۋستىڭ اۋە-عارىش كۇشتەرى بۇل سوققىنى يراننىڭ وڭتۇستىگىندەگى حورموزگان پروۆينتسياسىنىڭ سيريك اۋدانىندا ورنالاسقان تەلەكوممۋنيكاتسيالىق مۇناراعا جاسالعان شابۋىلعا جاۋاپ رەتىندە جاساعان.
- بۇل - قارسى تاراپقا اۋە كەڭىستىگىندەگى ارانداتۋشىلىق ارەكەتتەرى مەن ورمۋز بۇعازى ارقىلى مۇنايدى زاڭسىز تاسىمالداۋدى توقتاتۋ تۋرالى قاتاڭ ەسكەرتۋ. ەگەر مۇنداي ارەكەتتەر مەن اگرەسسيا قايتالانسا، يرسك اۋە-عارىش كۇشتەرى كەز كەلگەن جەردە قارىمتا سوققى جاساۋعا دايىن، - دەلىنگەن مالىمدەمەدە.
سونداي-اق يران تاراپى تەگەران بەلگىلەگەن كەمە قاتىناسى ەرەجەلەرىن بۇزعان كومپانيالارعا قوسىمشا شارالار قولدانىلۋى مۇمكىن ەكەنىن ەسكەرتتى.
Reuters اگەنتتىگىنىڭ حابارلاۋىنشا، يرسك پارسى شىعاناعى ەلدەرىندەگى ا ق ش اسكەري نىساندارىنا شابۋىل جاساعانى تۋرالى قىركۇيەك ايىنىڭ باسىنان بەرى العاش رەت مالىمدەدى.
ال ا ق ش پەن باحرەين ازىرگە سوققى جاسالعانى تۋرالى اقپاراتتى راستاعان جوق.
بۇدان بولەك جۇما كۇنى يرسك اسكەري-تەڭىز كۇشتەرى ورمۋز بۇعازىندا گاز تاسىمالدايتىن تانكەر جارىلعانىن دا حابارلادى. يران تاراپىنىڭ مالىمەتىنشە، كەمە رۇقسات ەتىلمەگەن ءارى ءقاۋىپتى باعىتپەن ءجۇزىپ بارا جاتقاندا تەڭىز ميناسىنا تاپ بولعان.
وسىعان بايلانىستى تانكەردىڭ اتاۋى مەن زارداپ شەككەندەر تۋرالى مالىمەت ازىرگە جاريالانعان جوق. ال ا ق ش، يزرايل جانە يران اراسىنداعى قارۋلى قاقتىعىس 28 -اقپاننان بەرى جالعاسىپ كەلەدى.
ديپلوماتيالىق جولمەن شيەلەنىستى باسەڭدەتۋ جونىندەگى ارەكەتتەرگە قاراماستان، ۆاشينگتون يران پورتتارىنا تەڭىز بلوكاداسىن جالعاستىرىپ وتىر. سونداي-اق ورمۋز بۇعازى ارقىلى كەمە قاتىناسىنا ءدا الى شەكتەۋ قويىلعان.
بۇعان دەيىن تەگەران مەن بۋەنوس-ايرەس اراسىنداعى قارىم-قاتىناس تەرروريزمدى قولداۋعا قاتىستى ءوزارا ايىپتاۋلار اياسىندا شيەلەنىسە تۇسكەنىن حابارلاعان بولاتىن.