بۇل تۋرالى يراننىڭ يسلام رەۆوليۋتسياسى ساقشىلار كورپۋسىنىڭ (ك س ي ر) Sepah News رەسمي اقپاراتتىق پورتالىندا جاريالانعان مالىمدەمەدە ايتىلعان.
مالىمدەمەگە سايكەس، ك س ي ر-دىڭ اۋە- عارىش كۇشتەرى باحرەين مەن كۋۆەيتتەگى ا ق ش-تىڭ اۋە قورعانىسى جۇيەلەرىنە، راديولوكاتسيالىق ستانتسيالارىنا، بايلانىس ينفراقۇرىلىمىنا جانە باسقا دا اسكەري نىساندارىنا، سونداي-اق يوردانياداعى امەريكالىق اسكەري نىساندارعا سوققى بەرگەن.
ك س ي ر بۇل شابۋىلداردىڭ ا ق ش-تىڭ سوققىلارىنا جاۋاپ رەتىندە جاسالعانىن جانە وڭىردەگى امەريكالىق اسكەري نىساندارعا قارسى اۋقىمدى زىمىراندىق ءارى دروندىق وپەراتسيالارعا جول اشۋعا باعىتتالعانىن مالىمدەدى.
بۇدان بولەك، يران ارمياسى كۋۆەيت پەن باحرەيندەگى ا ق ش-تىڭ بىرنەشە اسكەري نىسانىنا، سونىڭ ىشىندە اريفدجان اسكەري بازاسىنا، احماد ءال-جابەر جانە شەيح-يسا اۋە بازالارىنا زىمىراندار جانە ۇشقىشسىز ۇشۋ اپپاراتتارى ارقىلى سوققى جاساعانىن حابارلادى.
سونداي-اق ك س ي ر باحرەيندەگى Amazon كومپانياسىنىڭ دەرەكتەردى وڭدەۋ ورتالىعىنا شابۋىل جاساعانىن مالىمدەدى. يران تاراپى مۇنى ا ق ش-تىڭ ەلدىڭ وڭتۇستىك-باتىسىنداعى سالىنىپ جاتقان «دارحوۆەين» اتوم ەلەكتر ستانتسياسىنا جاساعان سوققىسىنا جاۋاپ دەپ اتادى.