استانا. قازاقپارات - Air Astana اۋە كومپانياسى تاياۋ شىعىستاعى جاعدايدى مۇقيات تالداعاننان كەيىن جانە قازاقستاننىڭ اۆياتسيالىق اكىمشىلىگىنىڭ ۇسىنىسى بويىنشا يراننىڭ اۋە كەڭىستىگىن اينالىپ ءوتىپ، دۋبايعا ۇشۋدى ورىنداۋعا شەشىم قابىلدادى.
وسىعان بايلانىستى استانا مەن الماتىدان دۋبايعا رەيستەردىڭ باعىتتارى وزگەرتىلىپ، ۇشۋ ۋاقىتى ۇزارادى.
«جيدداعا رەيستەر وزگەرىسسىز ورىندالادى، ءبىراق وڭىردەگى اسكەري ارەكەتتەر كۇشەيگەن جاعدايدا قايتا قارالاتىن بولادى. قاجەت بولعان جاعدايدا اۋەكومپانيا ۇشۋ قاۋىپسىزدىگىن قامتاماسىز ەتۋ ءۇشىن قوسىمشا وزگەرىستەر ەنگىزەتىن بولادى»، - دەلىنگەن اۋەكومپانيا حابارلاماسىندا.
قازاقستاننىڭ ازاماتتىق اۆياتسيا كوميتەتى تاياۋ شىعىستاعى كۇردەلى احۋالعا بايلانىستى مالىمدەمە جاساعان بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан