گيننەستىڭ رەكوردتار كىتابى: فەرمەرلەر ەڭ ۇلكەن قارا ورىك ءوسىردى

استانا. قازاقپارات - وڭتۇستىك افريكا فەرمەرلەرى دين جانە دەون بارنارد الەمدەگى ەڭ ۇلكەن قارا ورىك ءوسىرىپ، گيننەستىڭ رەكوردتار كىتابىنا ەندى. ونىڭ سالماعى - 464,15 گرام (16,3 ۋنسيا) .

بۇل بەيسبول دوبىنىڭ كولەمىندەگى جەمىس 2021 -جىلى جاپونيادا وسىرىلگەن كيە سۇرپىنان 109,78 گرام (3,8 ۋنسيا) اۋىر بولىپ شىقتى. بارناردتاردىڭ بۇل الىپ قارا ورىگى Oppie Plaas Boerdery اتتى فەرمالارىندا ءوسىرىلدى، وندا ولاردىڭ جەتى گەكتار (17,3 ا ك ر) اۋماقتا كوممەرتسيالىق ورىك باقتارى بار.

«بۇل رەكورد ورناتۋ ءۇشىن ارنايى وسىرىلمەگەن»، - دەدى دين.

العاش جينالعاندا ورىكتىڭ سالماعى 480 گ بولعان، ءبىراق ىلعال جوعالتۋ سالدارىنان بىرنەشە گرامعا ازايعان. بۇل Autumn Treat سۇرپىنىڭ جەمىسى، ونى دين قىتىرلاق ءارى ءتاتتى دەپ سيپاتتايدى. دين مەن دەون سوڭعى سەگىز جىل بويى ورىك ءوسىرىپ كەلەدى، بۇعان دەيىن ولاردىڭ بۇل جەمىس تۋرالى ەشقانداي ءبىلىمى بولماعان. ولار سونداي-اق قۇلماق، بادام جانە پەكان جاڭعاقتارىن وسىرەدى، ءبىراق قازىر سوڭعى ەكەۋىن كوبىرەك ورىكپەن الماستىرۋدا. ولاردىڭ ورىكتەرى شامامەن جەتى ايدا وسەدى، ال گۇلدەنۋ قىركۇيەكتە باستالادى. وسى جىلعى ءونىمنىڭ ىشىندە سالماعى 400-450 گرام بولاتىن باسقا دا رەكوردتىق ورىكتەر تابىلعان.