يممۋنيتەتتى كوتەرەتىن تاعامدار

استانا. KAZINFORM - يممۋنيتەت السىرەپ، ءجيى سىرقاتتانىپ قالا بەرەتىن بولساڭىز، دۇرىس تاماقتانۋدى قولعا العانىڭىز ماڭىزدى.

مامانداردىڭ ايتۋىنشا، يممۋنيتەتتىڭ السىرەۋىنە ءتۇرلى جاعداي اسەر ەتەدى. اتاپ ايتقاندا، كۇيزەلىس، ۇيقىنىڭ بۇزىلۋى، زياندى ادەتتەرگە بەيىم بولۋ (الكوگول، تەمەكى ت. ب. ) قيمىل-قوزعالىستىڭ ازدىعى، اعزادا زات الماسۋدىڭ بۇزىلۋى جانە دۇرىس تاماقتانباۋ.

يممۋنيتەت السىرەپ، ءجيى سىرقاتتانىپ قالا بەرەتىن بولساڭىز، دۇرىس تاماقتانۋدى قولعا العانىڭىز ماڭىزدى. ساراپشىلار يممۋنيتەتتى كوتەرەتىن بەلگىلى ءبىر كوكونىستەر مەن جەمىس-جيدەكتەر جانە تاعام ونىمدەرى بار ەكەنىن جوققا شىعارمايدى. ونىڭ قاتارىنا ليمون، ءزىمبىردى قوسۋعا بولادى. ليمون قۇرامىنداعى س دارۋمەنى سۋىقتى السا، ءزىمدىر قاناينالىمدى جاقسارتىپ، جۇرەك اۋرۋلارىنىڭ الدىن الادى. ادام ءزىمبىردى كۇندەلىكتى تۇتىنسا، اعزاسىندا باكتەريا ازايىپ، يممۋنيتەتى نىعايادى.

يممۋنيتەتتى كوتەرەتىن جەمىس قاتارىندا الما دا بار. ول ۆيرۋسقا، سۋىق تيۋگە قارسى يممۋنيتەتتى كۇشەيتەدى. جاڭعاقتاردىڭ كوبى E دارۋمەنىنە باي بولادى. سوندىقتان بۇل اۋرۋمەن كۇرەسۋدە وتە ماڭىزدى.

سارىمساق سۋىقتىڭ الدىن الاتىن تاعامداردىڭ ءبىرى رەتىندە بەلگىلى. سونىمەن بىرگە ول اعزانى زالالسىزداندىرىپ، ميكروبتاردى جويۋعا ىقپال ەتەدى. جۇمىرتقادا D ۆيتامينى كوپ. اسىرەسە ونىڭ سارۋىزى يممۋنيتەتتى كوتەرەتىن قورەكتىك زاتتارعا باي بولىپ كەلەدى.

ءبىر قىزاناقتا ورتاشا ەسەپپەن 16 ميلليگرامنان استام س دارۋمەنى بولادى. بۇل يممۋنيتەتتى كوتەرۋگە اسەر ەتەدى. يممۋنيتەتىڭىزدى كوتەرگىڭىز كەلسە، C دارۋمەنىنە باي جەمىس جەگەنىڭىز ارتىق بولمايدى. وسى ورايدا اپەلسين تاپتىرماس ماڭىزدى قورەكتىك زات.

قارا شوكولادتىڭ دا سۋىققا قارسى كۇرەستە پايداسى بار ەكەنىن بىلە ءجۇرىڭىز. ونىڭ قۇرامىندا جوتەلدى باساتىن دارۋمەندەر كەزدەسەدى.

سونىمەن قاتار سۋىق تيگەندە ەڭ جاقسى كومەكتەسەتىن تاعامنىڭ ءبىرى - قوي سورپاسى.