چيليدە ازا تۇتۋ كۇنى جاريالاندى

سانتياگو. KAZINFORM - چيليدىڭ بۇرىنعى پرەزيدەنتى، 74 جاستاعى سەباستيان پينەرا تىكۇشاق اپاتىنان قايتىس بولدى. بۇل تۋرالى چيلي ىشكى ىستەر مينيسترلىگىنىڭ باسشىسى كارولينا توا ءوزىنىڭ X- تەگى رەسمي پاراقشاسىندا حابارلادى.

چيليدىڭ قازىرگى پرەزيدەنتى گابريەل بوريچ ۇلتتىق ازا تۇتۋ جاريالاپ، مەملەكەتتىك دەڭگەيدە جەرلەۋ ءراسىمىن وتكىزۋگە بۇيرىق بەردى.

«مەن چيليدىڭ ەكى رەت سايلانعان پرەزيدەنتىن ەسكە الۋ ءۇشىن ءۇش كۇندىك ازا تۇتۋ جاريالادىم. مەن سىرتقى ىستەر ءمينيسترى البەرتو ۆان كلاۆەرەندى جەرلەۋ كوميسسياسىنا جاۋاپتى ەتىپ تاعايىندادىم»، - دەلىنگەن مەملەكەت باسشىسىنىڭ مالىمدەمەسىندە.

وقيعا لاگو رانكو مۋنيتسيپاليتەتىنىڭ اۋماعىندا بولعانى اتاپ ءوتىلدى. تىكۇشاقتى ءوزى باسقارعان پينەرا قاتتى جاڭبىر كەزىندە باسقارۋدى جوعالتىپ، رانكو كولىنە قۇلاعان. تىكۇشاقتا بۇرىنعى مەملەكەت باسشىسىنان بولەك تاعى ءۇش ادام امان قالىپ، جاعاعا شىعىپ ۇلگەرگەن. جەدەل قىزمەت سەباستيان پينەرانىڭ دەنەسىن سۋدان تاپتى.

انىقتاما ءۇشىن: كونسەرۆاتور سەباستيان پينەرا ەكى رەت، 2010-2014 جانە 2018-2022-جىلدارى چيليدىڭ پرەزيدەنتى بولعان.