ساراپشىلار Brent ماركالى مۇناي باعاسى، قازاقستان ەكونوميكاسىنىڭ ءوسۋى، ينفلياتسيا، بازالىق مولشەرلەمە، تاۋارلار مەن قىزمەتتەردىڭ ەكسپورتى جانە يمپورتى، سونداي-اق تەڭگە باعامى بويىنشا بولجامدارىن ۇسىندى.
مۇناي باعاسى مەن ەكونوميكانىڭ ءوسۋى
مۇناي باعاسىنا قاتىستى سەناريلىك شارتتار بۇكىل بولجامدى كەزەڭدە جوعارى قاراي قايتا قارالدى: 2026-جىلعا Brent ماركالى مۇناي باعاسى بويىنشا كۇتۋلەر باررەلىنە 82,7 ا ق ش دوللارىنان 88,4 ا ق ش دوللارىنا دەيىن، 2027-جىلعا - 75 ا ق ش دوللارىنان 80 ا ق ش دوللارىنا دەيىن، 2028-جىلعا - 73,7 ا ق ش دوللارىنان 75 ا ق ش دوللارىنا دەيىن كوتەرىلدى.
قازاقستان ەكونوميكاسىنىڭ وسۋىنە قاتىستى بولجامدار ايتارلىقتاي وزگەرگەن جوق. ج ءى ءو ءوسىمى 2026-جىلى 4,8 پايىز، 2027-جىلى - 4,7 پايىز (بۇعان دەيىن - 4,6 پايىز)، 2028-جىلى - 4,4 پايىز (بۇعان دەيىن - 4,3 پايىز) دەڭگەيىندە كۇتىلەدى.
ينفلياتسيا مەن بازالىق مولشەرلەمە
ساراپشىلاردىڭ ينفلياتسيا بويىنشا بولجامدارى بۇكىل بولجامدى كەزەڭدە تومەندەدى: 2026-جىلعا - 10 پايىزدان 9,5 پايىزعا دەيىن، 2027-جىلعا - 8,5 پايىزدان 8,3 پايىزعا دەيىن، 2028-جىلعا - 7 پايىزدان 6,9 پايىزعا دەيىن.
2026-جىلعا ارنالعان بازالىق مولشەرلەمە بويىنشا كۇتۋلەر مەدياناسى 15,9 پايىز قۇرادى (بۇعان دەيىن - 16,0 پايىز). 2027-جىلعى بولجام 13 پايىزدان 13,3 پايىزعا دەيىن، 2028-جىلعى بولجام 10,5 پايىزدان 11,5 پايىزعا دەيىن ءوستى.
ساۋالناماعا قاتىسۋشىلاردىڭ قۇرامى تۋرالى
ساۋالناماعا قازاقستاننىڭ ماكروەكونوميكالىق كورسەتكىشتەرىن تالداۋمەن جانە بولجاۋمەن اينالىساتىن 14 ۇيىم قاتىستى. رەسپوندەنتتەر قاتارىنا نارىقتىڭ كاسىبي قاتىسۋشىلارى، زەرتتەۋ ينستيتۋتتارى، حالىقارالىق ۇيىمدار، سونداي-اق رەيتينگتىك اگەنتتىكتەر كىرەدى.
ايتا كەتەيىك، ماكروەكونوميكالىق ساۋالنامادا ۇلتتىق بانكتىڭ بولجامدارى قامتىلمايدى. ساۋالناما ناتيجەسى نارىقتىڭ كاسىبي قاتىسۋشىلارىنىڭ تاۋەلسىز پىكىرلەرىن، باعالاۋلارى مەن كۇتۋلەرىن كورسەتەدى.
وسىعان دەيىن ۇلتتىق بانك زەينەتاقى قورىنداعى قاراجاتقا قاتىستى مالىمدەمە جاساعان بولاتىن.