يلون ماسكتىڭ قۇرىلعىسى سوقىرلاردىڭ كورۋىنە مۇمكىندىك بەرەدى
استانا. KAZINFORM - يلون ماسكتىڭ Neuralink كومپانياسى ميدىڭ كورۋ قىرتىسى زاقىمدانباعان سوقىرلاردىڭ كورۋ قابىلەتىن قالپىنا كەلتىرەتىن Blindsight قۇرىلعىسىنا رۇقسات الدى، دەپ جازادى India Today.
Tesla باس ديرەكتورى يلون ماسك ءوزىنىڭ مي چيپى Neuralink ستارتاپى ا ق ش- تىڭ ازىق-تۇلىك جانە ءدارى-دارمەك باسقارماسىنان «ءتىپتى ەكى كوزى مەن كورۋ جۇيكەسىن جوعالتقانداردىڭ دا كورۋىنە مۇمكىندىك بەرەتىن» تاجىريبەلىك يمپلانتاتسيالاناتىن قۇرىلعىعا رۇقسات العانىن حابارلادى.
- Neuralink's Blindsight قۇرىلعىسى ەكى كوزى مەن كورۋ جۇيكەسىن جوعالتقاندارعا دا كورۋگە مۇمكىندىك بەرەدى. ميدىڭ كورۋ قىرتىسى زاقىمدانباعان جاعدايدا، ول ءتىپتى تۋعاننان زاعيپ بولعانداردىڭ دا ءبىرىنشى رەت كورۋىنە مۇمكىندىك بەرەدى، - دەپ جازدى يلون ماسك X الەۋمەتتىك جەلىسىندەگى پاراقشاسىندا.
يلون ماسك كورۋدىڭ باستاپقى ساپاسىن ەرتەدەگى بەينە ويىن گرافيكاسى رەتىندە سيپاتتادى، ءبىراق بولاشاقتا ول تابيعي كورۋ قابىلەتىنەن، سونىڭ ىشىندە ينفراقىزىل، ۋلتراكۇلگىن نەمەسە راديولوكاتسيالىق تولقىن ۇزىندىعىن قابىلداۋ قابىلەتىنەن اسىپ ءتۇسۋى مۇمكىن دەپ بولجادى.