يلون ماسكتىڭ ەل الدىنداعى بەدەلى تومەندەدى

استانا. قازاقپارات- ميللياردەر يلون ماسكتىڭ ەل الدىنداعى بەدەلى تومەندەدى. مۇنى حالىق اراسىندا جۇرگىزىلگەن ساۋالناما كورسەتتى. كاسىپكەردىڭ مەملەكەتتىك تيىمدىلىك دەپارتامەنتىندەگى قىزمەتىنە كوپ ادامنىڭ مۇلدە كوڭىلى تولمايدى ەكەن.

 امەريكالىقتار جۇمىس ورىندارىنىڭ قىسقارىپ، فەدەرالدىق مەكەمەلەردىڭ جابىلۋىنا يلون ماسك كىنالى دەپ سانايدى. جارتىسىنان كوبى «ميللياردەر تەك باس پايداسىن ويلايدى»، - دەسە، ۇشتەن ءبىرى ول ەل مۇددەسى ءۇشىن قىزمەت ەتەدى دەپ ەسەپتەيدى.

قالاي دەسەك تە، يلون ماسكتىڭ ساياساتقا ارالاسۋىنان ازىرگە قايىر بولماي تۇر. اسىرەسە «تەسلا» كومپانياسىنا زيانى ءتيىپ وتىر. قازىر «تەسلا» كولىكتەرىنە سۇرانىستىڭ ەداۋىر ازايعانى بايقالادى. ساۋالناماعا 2 مىڭعا جۋىق ادام قاتىسقان. ولاردىڭ g- ى: «كاسىپكەردىڭ ەلەكتر قۋاتىمەن جۇرەتىن تەمىر تۇلپارىن ساتىپ الۋعا نيەتىمىز جوق»، - دەپ جاۋاپ بەرگەن.

 يلون ماسكتىڭ دونالد ترامپقا جاقىندىعىنان «تەسلا» كولىكتەرىنىڭ ەۋروپاداعى ساۋداسى دا قۇلدىراپ كەتتى. جىل باستالعالى ەۋرووداق ەلدەرىندە ەلەكتر قۋاتىمەن جۇرەتىن 26 مىڭ تەمىر تۇلپار ساتىلعان. بۇل الدىڭعى جىلدىڭ وسى كەزەڭىمەن سالىستىرعاندا I- عا از.