يلون ماسك قىتايعا نە ءۇشىن باردى

استانا. قازاقپارات - Tesla كومپانياسىنىڭ باس ديرەكتورى بەيجىڭدە ق ح ر پرەمەر-مينيسترىمەن ءوزىن-ءوزى باسقارۋ جۇيەسىن (FSD) ىسكە قوسۋ، سونداي-اق دەرەكتەردى شەتەلگە تاسىمالداۋعا رۇقسات بەرۋ ماسەلەسىن تالقىلادى، دەپ حابارلايدى Euronews.

Tesla-نىڭ باس ديرەكتورى يلون ماسك بەيجىڭگە قىتاي حالىقارالىق ساۋدانى ىلگەرىلەتۋ كەڭەسىنىڭ شاقىرۋىمەن كەلدى.

قىتاي - Tesla ءۇشىن ەكىنشى ۇلكەن نارىق.

شانحايدا كومپانيانىڭ ا ق ش-تان تىس جەردە ورنالاسقان العاشقى اۆتوموبيل زاۋىتى ورنالاسقان، ول وتكەن جىلى شامامەن 947 مىڭ كولىك جەتكىزگەن.

قىتاي پرەمەر-ءمينيسترى لي چياڭمەن كەلىسسوز بارىسىندا ماسك ءوزىن-ءوزى باسقارۋ جۇيەسىن (FSD) ىسكە قوسۋ، سونداي-اق دەرەكتەردى شەتەلگە تاسىمالداۋعا رۇقسات بەرۋ ماسەلەسىن تالقىلادى.

ماسك قىتايعا جاھاندىق اۆتووندىرۋشىلەر بەيجىڭ اۆتوسالونىندا وزدەرىنىڭ سوڭعى ۇلگىلەرىن، اسىرەسە ەلەكتر كولىكتەرىن جارنامالاعان كەزدە كەلدى.

قىتاي اۆتوموبيل وندىرۋشىلەرى قاۋىمداستىعىنىڭ دەرەكتەرى قىتاي نارىعىنا شەكتەۋلى جىلدامدىقپەن جەرگىلىكتى ساياحاتقا ارنالعان NEV (Neighbourhood Electric Vehicle) ەلەكتر كولىكتەرىنىڭ جالپى الەمدىك ساتىلىمىنىڭ شامامەن e كەلەتىنىن كورسەتىپ وتىر.

اۆتور
زارينا تۋعانبايەۆا