يلون ماسك «ازاتتىق» راديوسى جانە «امەريكا داۋىسى» راديولارىن جابۋدى ۇسىندى

استانا. KAZINFORM - امەريكالىق ميللياردەر يلون ماسك ءوزىنىڭ X الەۋمەتتىك جەلىسىندە ا ق ش ۇكىمەتى قارجىلاندىراتىن «راديو سۆوبودا»(«ازاتتىق» راديوسى) جانە «گولوس امەريكي»(«امەريكا داۋىسى») راديولارىن ەندى ەشكىم تىڭدامايتىنىن جازدى، دەپ حابارلايدى Kazinform.

ول سونداي-اق بۇل اقپارات قۇرالدارىندا «جىلىنا ا ق ش سالىق تولەۋشىلەرىنىڭ 1 ميلليارد دوللار اقشاسىن جالماپ، ءوز-وزىمەن سويلەسەتىن راديكال سولشىلدار» جۇمىس ىستەيتىنىن ايتتى.

يلون ماسك ءوزىنىڭ جازباسىن ا ق ش پرەزيدەنتىنىڭ ارنايى تاپسىرمالار جونىندەگى ارنايى وكىلى، ۇلتتىق بارلاۋدىڭ بۇرىنعى ديرەكتورى ريچارد گرەنەللدىڭ X الەۋمەتتىك جەلىسىندەگى جازباسىنا جاۋاپ رەتىندە جاريالادى.

- «سۆوبودنايا ەۆروپا»(«ەركىن ەۋروپا» - رەد.) جانە «امەريكا داۋىسى» راديوسى - امەريكالىق سالىق تولەۋشىلەر قارجىلاندىراتىن اقپارات قۇرالدارى. بۇل - مەملەكەتتىك اقپارات قۇرالدارى. بۇل اقپارات قۇرالدارى اسىرە سولشىل بەلسەندىلەرگە تولى. مەن بۇل تىلشىلەرمەن ونداعان جىلدار بويى جۇمىس ىستەپ كەلەمىن. بۇل - وتكەن نارسە، - دەپ جازدى ريچارد گرەنەلل.

بۇعان دەيىن يلون ماسك TikTok-قا ارنالعان جوسپارىن ايتقان ەدى.