ونىڭ بايلىعى بىرنەشە كۇن ىشىندە 30,6 ميلليارد دوللارعا ءوستى، دەپ حابارلايدى Kazinform اگەنتتىگى ت ا س س-قا سىلتەمە جاساپ.
Forbes جۋرنالىنىڭ مالىمەتىنشە، 5-قازاندا ساۋدا-ساتتىق اشىلعاننان كەيىن Tesla مەن SpaceX اكسيالارىنىڭ ءوسۋى ماسكتىڭ بايلىعىن قايتادان 1 تريلليون دوللاردان اسىرعان.
باسىلىمنىڭ باعالاۋىنشا، ماسكتىڭ بايلىعى 1 تريلليون دوللارعا جەتىپ، 2-قازانمەن سالىستىرعاندا 30,6 ميلليارد دوللارعا ارتقان. ول الەمدەگى ەڭ باي ادام مارتەبەسىن ساقتاپ وتىر. ەكىنشى ورىندا تۇرعان دجەفف بەزوستىڭ بايلىعى 371,5 ميلليارد دوللارعا باعالانادى.
ماسك العاش رەت ماۋسىم ايىندا SpaceX- ءتىڭ Nasdaq بيرجاسىنا شىعۋىنان كەيىن تريلليونەر اتانعان. الايدا بىرنەشە كۇننەن سوڭ SpaceX پەن Tesla اكسيالارىنىڭ ارزانداۋىنا بايلانىستى بۇل مارتەبەسىنەن ايىرىلعان. سوڭعى كۇندەرى ەكى كومپانيانىڭ دا اكسيالارى قىمباتتاپ، كاسىپكەردىڭ بايلىعى قايتادان 1 تريلليون دوللار مەجەسىنە جاقىندادى. تەك 2-قازاندا Tesla-نىڭ ءۇشىنشى توقسانداعى كولىك جەتكىزىلىمى ساراپشىلار كۇتكەننەن جوعارى بولعاننان كەيىن ماسكتىڭ بايلىعى 61 ميلليارد دوللارعا ارتقان.
5-قازان تاڭەرتەڭ Tesla اكسيالارى 1 پايىزدان استام، ال SpaceX اكتسيالارى 5 پايىزدان استام قىمباتتاپ، ءبىر اكسيانىڭ باعاسى 167 دوللارعا جەتتى.
SpaceX اكتسيالارىنىڭ وسۋىنە Morgan Stanley ساراپشىلارىنىڭ كومپانيا باعالى قاعازدارىن تومەن باعالانعان دەپ ەسەپتەۋى، سونداي-اق وتكەن اپتادا Starship كەمەسىنىڭ وربيتاعا العاش رەت ءساتتى شىعارىلۋى اسەر ەتتى.
بۇعان دەيىن ماسك رەكوردتىق كورسەتكىشكە جەتكەننەن كەيىن ەكى اپتا وتپەي جاتىپ تريلليونەر مارتەبەسىنەن ايىرىلعان ەدى. ونىڭ اكتيۆتەرىنىڭ قۇنى تومەندەي باستاعان. 24-ماۋسىمدا كاسىپكەردىڭ كاپيتالى 957 ميلليارد دوللارعا باعالانىپ، ول تريلليونەر مارتەبەسىن جوعالتقان.