ۇيلەنۋ تويىنداعى «فۋتبول تورتى» قازاقستاندىقتاردى تاڭعالدىردى

 الەۋمەتتىك جەلىلەر مەن مەسسەندجەرلەردە تارالىپ جاتقان فوتو، ۆيدەوداعى ۇيلەنۋ تويىنداعى ەرەكشە تورت قازاقستاندىقتاردى تاڭعالدىردى، دەپ حابارلايدى Kazinform. 

الماتىلىق بلوگەر الىشەر كەلگەنبايدىڭ ۇيلەنۋ تويى فۋتبول ستيلىندە ءوتتى.

جاس جۇبايلار كيىمدەرىنە تانىمال فۋتبول كلۋبتارىنىڭ ەمبلەمالارىن قولدانعان. مىسالى، «Real Madrid»-تىڭ ەمبلەماسى قالىڭدىقتىڭ اق جامىلعىسىندا بولسا، «Barcelona» فۋتبول كلۋبىنىڭ سيمۆولى كۇيەۋ جىگىتتىڭ كوستيۋمىنە تىگىلگەن.

سونداي-اق قالىندىق قولىنا ادەتتەگىدەي اق گۇل ەمەس، قارا ءتۇستى گۇل شوعىن ۇستاپ ءجۇردى. بۇدان بولەك، قوناقتاردىڭ كوڭىلىن كوتەرۋگە «مەسسي» مەن «رونالدو» كەلدى.

الەۋمەتتىك جەلى قولدانۋشىلارىن كوپ دەڭگەيلى الىپ تورت تا بەي-جاي قالدىرمادى. مەيمانحانا توبەسىمەن بىردەي دەرلىك تورت فۋتبول كلۋبتارىنىڭ ەمبلەمالارىمەن، كۋبوك، دوپ، قالىڭدىق پەن كۇيەۋ جىگىت بەينەسىندەگى فورمالارمەن بەزەندىرىلگەن.