ىلە-الاتاۋى تابيعي پاركىنىڭ اۋماعىنداعى فوتوتۇزاققا سيرەك كەزدەسەتىن جانۋارلار ءتۇسىپ قالدى

استانا. KAZINFORM - ىلە-الاتاۋى مەملەكەتتىك ۇلتتىق تابيعي پاركىنىڭ اۋماعىنا ورناتىلعان فوتوتۇزاقتار ارقىلى سيرەك كەزدەسەتىن جانۋارلار بەينەتىركەۋگە الىندى.

بۇل تۋرالى تابيعي پاركتىڭ Instagram پاراقشاسىنان ءمالىم بولدى.
وندا ىلە-الاتاۋى ۇلتتىق پاركىنىڭ اۋماعىندا سۇتقورەكتىلەردىڭ 48 ءتۇرى مەكەندەيتىنى ايتىلعان. ولاردىڭ التاۋى قازاقستان رەسپۋبليكاسىنىڭ قىزىل كىتابىنا ەنگىزىلگەن.
جابايى تابيعاتتى باقىلاۋ ءۇشىن ورمان القاپتارىنا ورناتىلعان فوتوتۇزاقتار كەلەسى ەرەكشە ساتتەردى تىركەدى:
قىزىل كىتاپقا ەنگەن تيان-شان قوڭىر ايۋىنىڭ ءۇش داراسى،
تۇركىستان سىلەۋسىنى،
مارال،
ءسىبىر ەلىگى.
اتالعان بەينەماتەريالدار جانۋارلاردىڭ تابيعي ورتاداعى قوزعالىسىن تىركەپ، ولاردىڭ تىرشىلىك ارەكەتىن باقىلاۋعا مۇمكىندىك بەرەدى. بۇل -ەلىمىزدىڭ بيوالۋانتۇرلىلىگىن ساقتاۋ باعىتىندا جۇرگىزىلىپ جاتقان ماڭىزدى عىلىمي-زەرتتەۋ جانە تابيعاتتى قورعاۋ جۇمىستارىنىڭ ءبىر بولىگى بولىپ تابىلادى.
وسىعان دەيىن كولساي كولدەرى ۇلتتىق پاركىندە قىزىل كىتاپقا ەنگەن قار بارىسى فوتوتۇزاققا ءتۇسىپ قالعانى تۋرالى جازدىق.