ۆەيپكە تىيىم سالىندى: زاڭ بۇزعاندار قانداي جازا ارقالايدى

استانا. KAZINFORM - ەلىمىزدە ۆەيپ جانە باسقا نيكوتين قۇرامداس بۇيىمدارعا قارسى كۇرەس شارالارى كۇشەيتىلدى. بۇل تۋرالى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى حابارلايدى.

پرەزيدەنت 2024 -جىلعى 19 ساۋىردە قول قويعان زاڭعا سايكەس، 20 ماۋسىمنان باستاپ ەلەكتروندى تەمەكىلەردى، حوش يىستەندىرگىشتەردى جانە باسقا دا وسىعان ۇقساس تاۋارلاردى اكەلۋگە، وندىرۋگە جانە ساتۋعا تولىق تىيىم سالىندى.

قانداي تىيىم سالىندى؟

قازاقستان رەسپۋبليكاسىنىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 110-بابىنا ەنگىزىلگەن جاڭارتۋلارعا سايكەس، تىيىم سالىنادى:

- شەكپەيتىن تەمەكى ونىمدەرى؛

- ەلەكتروندى تۇتىنۋ جۇيەلەرى (ۆەيپ)؛

- ۆەيپكە ارنالعان حوش يىستەر ەن سۇيىقتىقتار؛

- نيكوتين مەن شايىر مولشەرى رۇقسات ەتىلگەن نورمادان اساتىن تەمەكى ونىمدەرى مەن كاليان قوسپالارى؛

- سانيتارلىق تالاپتارعا ساي كەلمەيتىن بۇيىمدار.

قانداي جازا قاراستىرىلعان؟

قىلمىستىق كودەكسكە دە وزگەرىستەر ەنگىزىلىپ، 301-1-باپپەن جاڭا جاۋاپكەرشىلىك بەلگىلەندى.

تىيىم سالىنعان ونىمدەردى ساتقانى جانە تاراتقانى ءۇشىن:

- 200 ا ە ك-كە دەيىن ايىپپۇل؛

- نەمەسە 200 ساعاتقا دەيىن تۇزەتۋ نەمەسە قوعامدىق جۇمىس؛

- نەمەسە 50 تاۋلىككە دەيىن قاماۋعا الۋ.

ءوندىرۋ جانە اكەلۋ ءۇشىن:

- 2000 ا ە ك-كە دەيىن ايىپپۇل؛

- نە 2 جىلعا دەيىن باس بوستاندىعىنان ايىرۋ، مۇلىكتى تاركىلەۋ.

جازانى اۋىرلاتاتىن جاعداي:

ەگەر بۇل قۇقىق بۇزۋشىلىقتار قايتالانسا نەمەسە توپپەن جاسالسا، جازا 5 جىلعا دەيىن باس بوستاندىعىنان ايىرۋعا دەيىن كۇشەيتىلەدى.

ايتا كەتسەك، ەلىمىزدە جىل باسىنان بەرى ۆەيپتەردىڭ زاڭسىز اينالىمىنا قاتىستى 32 دەرەك تىركەلدى.