ونىڭ ايتۋىنشا، قازىرگى جاھاندىق جاعدايدا اۆتوماتتاندىرىلعان ءارى تۇراقتى كولىك ءدالىزىن قالىپتاستىرۋدىڭ ماڭىزى ارتىپ وتىر.
- بارلىق مينيستر مەن وكىلدەر كولىك ءدالىزىن ەكونوميكالىق دالىزگە اينالدىرۋدىڭ ماڭىزىن اتاپ ءوتتى. بۇل ءدالىز بويىنداعى ەلدەردىڭ ەكونوميكالىق ءوسىمىن قولداۋعا مۇمكىندىك بەرەدى، - دەدى ۆينني ۆان.
ول دۇنيەجۇزىلىك بانك توبى ترانسكاسپي كولىك ءدالىزىن دامىتۋ ءۇشىن كەشەندى ءتاسىل قولداناتىنىن ايتتى.
- ءبىز تەك ينفراقۇرىلىمدىق ينۆەستيتسيالارمەن شەكتەلمەيمىز. سونىمەن قاتار اۆتوموبيل جانە تەمىرجول سالاسىنداعى مەملەكەتتىك كاسىپورىنداردى رەفورمالاۋ، وپەراتسيالىق تيىمدىلىكتى ارتتىرۋ جانە وڭىرلىك ۇيلەستىرۋ باعىتىندا جۇمىس ىستەپ جاتىرمىز،- دەدى ساراپشى.
ۆينني ۆاننىڭ مالىمەتىنشە، الداعى بەس جىلدا دۇنيەجۇزىلىك بانك توبى ورتا ءدالىز جوبالارىنا تاعى 7,6 ميلليارد دوللار ينۆەستيتسيا سالۋدى كوزدەپ وتىر.
- قازىردىڭ وزىندە بىرنەشە ميلليارد دوللار ينۆەستيتسيالانعان. كەلەسى بەس جىلدا تاعى 7,6 ميلليارد دوللار كولەمىندەگى ينۆەستيتسيا قاراستىرىلىپ وتىر. سونىمەن بىرگە قوسىمشا 13,4 ميلليارد دوللار تارتۋ جوسپارلانعان، - دەدى ول.
سپيكەر دۇنيەجۇزىلىك بانك ورتا ءدالىز بويىنشا جاڭا ستراتەگيالىق ەسەپ ازىرلەپ جاتقانىن دا جەتكىزدى.
- جاڭا ەسەپتە ساۋدا اعىندارى، ينفراقۇرىلىمدىق ولقىلىقتار، قارجىلاندىرۋ قاجەتتىلىگى، ينستيتۋتسيونالدىق رەفورمالار مەن كليماتتىق تۇراقتىلىق ماسەلەلەرى قامتىلادى، - دەپ قورىتىندىلادى ۆينني ۆان.
بۇعان دەيىن TRACECA سيفرلىق ءدالىزدى دامىتۋعا باسىمدىق بەرىپ وتىرعانىن جازعانبىز.