ەيفەل مۇناراسىنىڭ ءبىر بولشەگى ساتىلىمعا شىعارىلدى
استانا. KAZINFORM - جۋىردا عانا قالپىنا كەلتىرىلگەن سيرەك كەزدەسەتىن بولشەكتىڭ بيىكتىگى - 2,5 مەتر. بىرەگەي بۇيىم كوللەكسيونەرلەر مەن ساۋلەتشىلەردىڭ قولىنا ءتۇسۋى مۇمكىن.
پاريجدە اۋكسيوندا ەيفەل مۇناراسىنىڭ 1889 -جىلى گيۋستاۆ ەيفەلدىڭ جەتەكشىلىگىمەن سالىنعان ءتۇپنۇسقا شيىرشىق باسپالداقتىڭ ءبىر بولىگى ساتىلىمعا شىعارىلادى. بۇل بولشەك كەزىندە مۇنارانىڭ ەكىنشى جانە ءۇشىنشى دەڭگەيىن جالعاپ تۇرعان، ياعني فرانسيانىڭ باستى سيمۆولىنا العاشقى كەلۋشىلەر ءدال وسى باسپالداقپەن جوعارى كوتەرىلگەن.
لوتتىڭ باعاسى - 40-50 مىڭ ەۋرو. قۇرىلىمنىڭ بيىكتىگى شامامەن 2,7 مەتر، ىشىندە 14 مەتال باسپالداق بار. باسپالداق 1983 -جىلى بولشەكتەلىپ، 24 بولىككە بولىنگەن. ولار ءقازىر الەمنىڭ ءتۇرلى مۋزەيلەرى مەن جەكە كوللەكتسيالارىندا ساقتاۋلى.
قازىرگى ۋاقىتتا 14 مەترلىك ءبىر فراگمەنت مۇنارانىڭ ءبىرىنشى دەڭگەيىندە ورنالاسقان، ال قالعاندارىن ورسە، لا- ۆيللەتت جانە پاريجدەگى تەمىر مۋزەيىنەن كورۋگە بولادى. قالعان 20 بولىگى ساتىلىپ كەتكەن، بۇل بولشەكتەر الەمنىڭ ءار تۇكپىرىندە - ديسنەيلەندتەن باستاپ ياماناسي پرەفەكتۋراسىنداعى جاپون باقتارىندا ورنالاسقان.
ساۋداعا شىعارىلعان سيرەك بولىك 2,5 مەتر بيىكتىكتە جانە جاقىندا قالپىنا كەلتىرىلگەن - 40 جىلدان استام ۋاقىت جەكە كوللەكتسيادا بولعاننان كەيىن وعان باستاپقى قوڭىر ءتۇسى قايتا بەرىلدى.
ەسكە سالا كەتەيىك، سيرەك كەزدەسەتىن Pokemon كارتاسى نيۋ-دجەرسيدەگى اۋكسيوندا ساتىپ الۋشىنىڭ اقىسىن قوسقاندا رەكوردتىق 16,49 ميلليون دوللارعا ساتىلدى.