ىشكى نارىقتا ەت تاپشىلىعى جوق - ا ش م باعانىڭ قالىپتاسۋىنا نە اسەر ەتەتىنىن ءتۇسىندىردى

استانا. KAZINFORM - ەلدەگى ىشكى نارىقتا ەت تاپشىلىعى جوق، باعانىڭ وسۋىنە باسقا جاعدايلار دا اسەر ەتىپ وتىر. بۇل تۋرالى Kazinform اگەنتتىگى جولداعان ساۋالعا اۋىل شارۋاشىلىعى مينيسترلىگىنىڭ رەسمي جاۋابىندا ايتىلعان.

- اۋىل شارۋاشىلىعى ونىمدەرى باعاسىنىڭ قالىپتاسۋىنا بىرنەشە فاكتور اسەر ەتەدى. ولارعا ءونىمنىڭ وزىندىك قۇنىنا تىكەلەي ىقپال ەتەتىن تاۋارلار مەن قىزمەتتەردىڭ باعاسىنىڭ وزگەرۋى، ماۋسىمدىق، ازىق-تۇلىك ونىمدەرىن تاسىمالداۋ مەن ساقتاۋ شىعىندارىنىڭ ارتۋى، دەلدالداردىڭ كوپ بولۋى، ساۋدا نۇكتەلەرىندەگى جوعارى ۇستەمە باعا، سونداي-اق الەمدىك نارىقتاردا ۇقساس ونىمدەر باعاسىنىڭ ءوسۋى جاتادى. قازىرگى ەت باعاسىنىڭ ءوسۋى ىشكى نارىقتاعى تاپشىلىققا بايلانىستى ەمەس، ويتكەنى حالىقتىڭ سۇرانىسىن وتەۋگە جەتكىلىكتى قور بار. 2025 -جىلعى 1- ساۋىردەگى جاعداي بويىنشا ەلدەگى ءىرى قارا مال سانى 8,9 ميلليون بولدى، بۇل - وتكەن جىلمەن سالىستىرعاندا ",8 عا كوپ (2024 -جىلعى 1-ساۋىردە - 7,2 ميلليون). بۇدان بولەك، سيىر ەتى ءوندىرىسى ىشكى نارىقتىڭ قاجەتتىلىگىن 2 قامتاماسىز ەتىپ وتىر، - دەلىنگەن حابارلامادا.

سونداي-اق ۆەدومستۆو ەلدە ەت ءوندىرىسى كولەمى جىلدان-جىلعا ارتىپ كەلە جاتقانىن ايتادى.

- 2024 -جىلدىڭ قورىتىندىسى بويىنشا رەسپۋبليكادا سيىر ەتى ءوندىرىسى 430 مىڭ توننا بولىپ، 2023 -جىلمەن سالىستىرعاندا (399,3 مىڭ توننا) %7,5 عا ارتتى. 2025 -جىلى بۇل ديناميكا ساقتالىپ وتىر: قاڭتار- ناۋرىز ايلارىندا 82,2 مىڭ توننا سيىر ەتى ساتتىققا شىعارىلدى (قاڭتار - 24,7 مىڭ توننا، اقپان - 24,8 مىڭ توننا، ناۋرىز - 32,7 مىڭ توننا)، - دەلىنگەن حابارلامادا.

ايتا كەتەيىك، ەت باعاسى بۇرىن-سوڭدى بولماعان مەجەگە جەتتى. ماسەلەن، استانادا سەمىز ءارى جاس ەتتىڭ كەلىسى ورتاشا 3400-3600 تەڭگەدەن تۇر.