ىشەك ينفەكسيالارى، پسيحيكانىڭ بۇزىلۋى، وبىر - ناسىبايدىڭ دەنساۋلىققا زيانى قانداي
استانا. KAZINFORM - ەلوردالىق پسيحيكالىق دەنساۋلىق ورتالىعىنىڭ پسيحياتر-ناركولوگ دارىگەرى انار تاستامبەكوۆا ناسىبايدىڭ ادام اعزاسىنا قانداي زيانى بار ەكەنىن ءتۇسىندىردى.
ونىڭ ايتۋىنشا، قازاقستاندا شامامەن ) ادام ومىرىندە ءبىر رەت بولسا دا ناسىباي قولدانىپ كورگەن.
«ناسىباي قۇرامىندا تەمەكى توزاڭى، ءسىلتى، وسىمدىك كۇلى، وسىمدىك مايى، تاۋىق نەمەسە تۇيە كوڭى، ماريحۋانا جانە باسقا ينگرەديەنتتەر بار. ناسىباي قۇرامىنىڭ نەگىزگى ينگرەديەنتى تەمەكى بولعاندىقتان، زات اعزاعا جويقىن اسەر ەتەدى. ەگەر شىلىمنان وكپە قاتتى زارداپ شەگەتىن بولسا، ناسىبايدى قولدانعاندا نەگىزگى سوققى اسقازان-ىشەك جولدارى مەن اۋىز قۋىسىنىڭ شىرىشتى قابىعىنا تۇسەدى. قوسپانىڭ ءبىر دوزاسىندا بىرنەشە تەمەكى دوزاسى بولعاندىقتان، ناسىباي ادام اعزاسىنا اناعۇرلىم زياندى»، - دەدى ا، تاستامبەكوۆا استانا كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ماماننىڭ ايتۋىنشا، ناسىباي قوسپاسىنىڭ قۇرامىندا تۇيە كوڭى نەمەسە تاۋىق كوڭى ءجيى كەزدەسەتىندىكتەن، ناسىباي تۇتىناتىندار كوبىنەسە ىشەك ينفەكسيالارىن نەمەسە پارازيتتەردى جۇقتىرادى.
«كوبىنەسە مۇنداي جاعدايلاردا ۆيرۋستىق گەپاتيتتەر دە داميدى. ناسىبايدى ۇزاق ۋاقىت قولدانعاندا ءتىلدىڭ، ەرىننىڭ، كومەيدىڭ قاتەرلى ىسىگى، ءتىستىڭ بۇزىلۋى، پسيحيكانىڭ بۇزىلۋى، اعزالاردىڭ ىشكى اۋرۋلارى جانە بەدەۋلىك سياقتى اۋىر زارداپتار بولۋى مۇمكىن»، - دەدى دارىگەر.
ايتا كەتەيىك، ەلوردادا تىنىس الۋ ورگاندارى اۋرۋلارىنىڭ جيىلىگى جالپى سىرقاتتانۋشىلىق قۇرىلىمىندا كوش باستاپ تۇر. وتكەن جىلى تىنىس الۋ ورگاندارى اۋىراتىن 450 مىڭ ادام تىركەلگەن.
اۆتور
ايجان سەرىكجان قىزى