ىشكە ماي جينالۋىنىڭ نەگىزگى 5 سەبەبى

استانا. KAZINFORM - ادەتتە ىشكە ماي دۇرىس تاماقتانباعاننان جانە قوزعالىستىڭ جوقتىعىنان جينالادى. الايدا ونىڭ باسقا دا سەبەپتەرى بولۋى مۇمكىن.

ءبىرىنشىسى - سوزىلمالى ۇيقىسىزدىق جانە كۇيزەلىس. تولىققاندى دەمالىسسىز اعزا «اشتىق گورمونى» - گرەليندى وڭدەيدى. كۇيزەلىس كەزىندە دە سولاي بولادى.

ەكىنشىسى - لەپتينگە سەزىمتالدىقتىڭ تومەندەۋى. لەپتين - توقتىق گورمونى، ول مايلى تىندە وڭدەلەدى. وعان دەگەن سەزىمتالدىق تومەندەسە، ادام تويىپ تۇرسا دا، تاماق جەي بەرەدى.

ءۇشىنشىسى - ەتەككىر ءۇزىلىسى (مەنوپاۋزا). ادەتتە 45-50 جاستا ايەلدەردىڭ ەتەككىرى توقتاپ قالادى، ال ول ەستروگەن ءوندىرىسىنىڭ تومەندەۋىمەن قاتار جۇرەدى. سوندىقتان اعزاداعى زات الماسۋ پروتسەستەرى بۇزىلادى.

ءتورتىنشىسى - ءىشتىڭ كەبۋى (مەتەوريزم). گاز كوپ تۇزىلەتىن ادامداردىڭ ىشتەرى ۇلكەيىپ كەتەدى. ۇننان جاسالعان ونىمدەر، بۇرشاقتار، مايلى، ءسۇتتى ونىمدەردەن جانە گازدالعان سۋسىنداردان باس تارتىپ كورىڭىز.

بەسىنشىسى - اۋىر سپورت. ادام قاتتى شارشاعانشا جاتتىقسا، اعزا السىزدەنەدى. مۇنداي جاعدايدا اعزا قالپىنا كەلمەيدى جانە «ءوزىن-ءوزى ساقتاۋ» رەجيمىن قوسادى. بۇل كەزدە ءىشتىڭ تومەنگى جاعىنا ماي جينالادى.

Massaget.kz