الماتى. KAZINFORM - الماتىدا قوعامدىق كولىكتىڭ ىشىندە توبەلەس بولدى. الەۋمەتتىك جەلىدە ءۇش ەر ادامنىڭ اراسىنداعى جانجالدىڭ بەينەجازباسى تارادى. وندا ەر ادامنىڭ ءبىرى قولىنا پىشاق الىپ، ەكىنشىسىنە ۇمتىلعانىن كورۋگە بولادى.
پوليتسيا دەپارتامەنتىنىڭ مالىمەتىنشە، اتالعان دەرەك بويىنشا تۇركسىب اۋداندىق پوليتسيا باسقارماسى قىلمىستىق ءىس قوزعادى. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالعان.
- جانجالعا قاتىسۋشىلاردىڭ ءارقايسىسىنىڭ ارەكەتىنە قۇقىقتىق باعا بەرىلەدى. مۇنداي اگرەسسيۆتى جانە قوعامعا قاۋىپتى مىنەز-قۇلىققا جول بەرىلمەيدى. كىنالى تۇلعالار قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتىلادى، - دەپ حابارلادى دەپارتامەنتتەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан